Ýmsir spyrja sig núna hvort allir flokkar í borgarstjórn séu ánægðir með tillögu Reita um stórfellda uppbyggingu í Spönginni. Já, og eru þær Hildur Björnsdóttir borgarstjóri og Heiða Björg Hilmisdóttir fyrrverandi borgarstjóri, skyndilega sammála um hugmyndir og tillögur Reita. Það er nú það! Tillaga Reita að nýju deiliskipulagi var unnin í samstarfi við dönsku arkitektastofuna Henning Larsen og var fjallað um hana á fundi umhverfis- og skipulagsráðs Reykjavíkurborgar á dögunum og óhætt er að segja að vel hafi verið tekið í hana. Fulltrúar úr bæði meiri- og minnihluta létu í ljós ánægju sína í bókunum , segir m.a. í frétt Morgunblaðsins af málinu í dag. Þá kemur þetta fram í frétt Morgunblaðsins: Í bókun núverandi meirihluta í borginni á umræddum fundi sagði : „Hér er tækifæri til að styrkja Spöngina sem öflugan og lifandi hverfiskjarna Grafarvogs og skapa um leið eftirsóknarvert íbúðarumhverfi fyrir fólk á ólíkum æviskeiðum. Þá er vert að hrósa Reitum fyrir að hafa leitað eftir sjónarmiðum íbúa Grafarvogs með könnun sem sýndi mikinn stuðning meðal þátttakenda við aukna þjónustu í Spönginni,“ sagði í bókun meirihlutans auk þess sem áherslum á fjölbreyttar húsnæðisgerðir, vönduð og græn dvalarsvæði, skjólgóð almenningsrými og gott samspil íbúða, verslunar og þjónustu var fagnað. Fulltrúi Samfylkingar fagnaði sömuleiðis samráði við íbúa á svæðinu og lagði áherslu á að þar sem búast mætti við verulegri fjölgun íbúa og aukinni atvinnustarfsemi þyrfti að ráðast í umferðarmat, ekki síst svo hugað væri að öryggi barna og eldra fólks.“ - JGH
Ýmsir spyrja sig núna hvort allir flokkar í borgarstjórn séu ánægðir með tillögu Reita um stórfellda uppbyggingu í Spönginni. Já, og eru þær Hildur Björnsdóttir borgarstjóri og Heiða Björg Hilmisdóttir fyrrverandi borgarstjóri, skyndilega sammála um hugmyndir og tillögur Reita. Það er nú það! Tillaga Reita að nýju deiliskipulagi var unnin í samstarfi við dönsku arkitektastofuna Henning Larsen og var fjallað um hana á fundi umhverfis- og skipulagsráðs Reykjavíkurborgar á dögunum og óhætt er að segja að vel hafi verið tekið í hana. Fulltrúar úr bæði meiri- og minnihluta létu í ljós ánægju sína í bókunum , segir m.a. í frétt Morgunblaðsins af málinu í dag. Þá kemur þetta fram í frétt Morgunblaðsins: Í bókun núverandi meirihluta í borginni á umræddum fundi sagði : „Hér er tækifæri til að styrkja Spöngina sem öflugan og lifandi hverfiskjarna Grafarvogs og skapa um leið eftirsóknarvert íbúðarumhverfi fyrir fólk á ólíkum æviskeiðum. Þá er vert að hrósa Reitum fyrir að hafa leitað eftir sjónarmiðum íbúa Grafarvogs með könnun sem sýndi mikinn stuðning meðal þátttakenda við aukna þjónustu í Spönginni,“ sagði í bókun meirihlutans auk þess sem áherslum á fjölbreyttar húsnæðisgerðir, vönduð og græn dvalarsvæði, skjólgóð almenningsrými og gott samspil íbúða, verslunar og þjónustu var fagnað. Fulltrúi Samfylkingar fagnaði sömuleiðis samráði við íbúa á svæðinu og lagði áherslu á að þar sem búast mætti við verulegri fjölgun íbúa og aukinni atvinnustarfsemi þyrfti að ráðast í umferðarmat, ekki síst svo hugað væri að öryggi barna og eldra fólks.“ - JGH
Við höldum áfram að segja fréttir af íbúafundinum með Heiðu Björg Hilmisdóttur, fyrrverandi borgarstjóra, á Bókasafninu í Grafarvogi hinn 10. febrúar sl. En fundarmönnum var mjög heitt í hamsi þegar umræðan barst að tillögum Reita, sem kynntar höfðu verið á heimasíðu félagsins, um Spöngina. Einn fundarmanna, Trausti Harðarson , íbúi í Grafarvogi, lét mjög til sín taka á findinum um Spöngina og spurði Heiðu hvort girða ætti Spöngina af og búa til eins konar virki um hana, svo byltingarkenndar væru hugmyndir Reita. Stóra málið á fundinum var samt það hvort verið væri að lauma inn fjölda nýrra íbúða í Grafarvoginn, bakdyramegin í gegnum Reiti, á sama tíma og meirihlutinn (fyrrv. meirihluti) segðist hættur við öll áform um þéttingu byggðar og ætlaði að láta málið í hendurnar á nýjum meirihluta sem yrði myndaður eftir kosningar.
Ólöf Örvarsdóttir, sviðsstjóri umhverfis- og skipulagssviðs , fékk orðið á fundinum á Bókasafninu í febrúar og kom Heiðu borgarstjóra til aðstoðar varðandi umræðuna um Spöngina. Og sagði samkvæmt frétt okkar á Grafarvogur.net af fundinum: „ Það er fasteignafélagið Reitir sem eiga Spöngina og hafa hug á því að bæta við hana og komu til máls um það við borgina og skrifað var undir viljayfirlýsingu; uppbyggingarsamkomulag. Það sem við gerum svo er að vinna og gera skipulagslýsingu að breytingu að ósk þeirra. Þessi skipulagslýsing fer í samráðsgátt. Svo hefst deiliskipulagið sem fer líka í samráðsgátt. Þetta verður ekki grenndarkynning heldur auglýst og hagaðilum sem búa næst Spönginni verður sent bréf. Þannig að þetta er bara fyrsta skrefið. Þetta er tillaga komin frá Reitum sem eru lóða- og fasteignaeigendur á svæðinu og okkur ber að taka ósk þeirra til stjórnsýslulegrar meðferðar, “ sagði Ólöf. HAFIÐ ÞIÐ EKKERT LÆRT AF GRÆNA GÍMALDINU? Fundargestur reis þá upp og sagði: „ Hafið þið ekkert lært af Græna gímaldinu sem þið byggðuð í Breiðholti. Ég bý í blokk við Spöngina og við komum til með að missa allt sólarljós við þær tillögur sem hafa verið kynntar. Mér líst ekkert á þetta .“ Þá svaraði Ólöf : „ Það er ekki rétt í þessu tilviki, það liggja ekki fyrir neinar endarlegar tillögur. Reitir eru með ósk um að byggja upp og svo gerum við skipulagslýsingu þar sem fram koma allar forsendur og síðan fer þetta í lögbundið samráð. Ég lofa þér því að þetta mun ekki fara fram hjá þér .“ - Það er búið að teikna þessar tillögur Reita! - greip þá fundargesturinn inn í „ og kynna þær með teikningum. “ „ Ég get ekki ábyrgst það sem Reitir gera. Auðvitað skoða Reitir tækifæri eins og öll önnur fasteignaþróunarfélög gera ,“ bætti Ólöf við. „ Verður þetta samt ekki allt á forsendum þeirra ,“ svaraði þá fyrirspyrjandi. Þetta var kjarninn í umræðunni um Spöngina á fundinum og stækkun hennar. - JGH
Mikill kurr var á frægum íbúafundi með Heiðu Björgu Hilmisdóttur borgarstjóra hinn 10. febrúar sl. á Bókasafni Grafarvogs þegar talið barst að fyrirhugaðri uppbyggingu Reita á Spönginni og fannst mörgum að með pælingum Reita væri verið að lauma inn íbúðum bakdyramegin í Grafarvog á sama tíma og þétting byggðar í hverfinu hefði verið mikið hitamál á meðal íbúa. Rétt er að rifa þetta upp núna í tilefni af frétt Morgunblaðsins í morgun um könnun Reita um að ánægja sé á meðal Grafarvogsbúa um mikla uppbyggingu og fjölgun íbúða í Spönginni. Sjá hér frétt Grafarvogur.net af fundinum á Bókasafninu 10. febrúar. Meðal annars risu íbúar í grennd við Spöngina upp og spurðu hvort menn hefðu ekkert lært af Græna gímaldinu í Breiðholti og hvort smíða ætti virki um Spöngina; svo umfangsmiklar væru hugmyndir Reita. Meðal annars reis einn fundarmanna upp og sagðist vera íbúi í Vættaborgum á bak við Spöngina og að miklir skuggar væru fyrirsjáanlegir í hverfinu yrðu þessar hugmyndir Reita að veruleika. Fékk hann mikið lófaklapp í kjölfarið. - JGH
Morgunblaðið segir frá því í frétt í morgun að fasteignafélagið Reitir ráðgeri mikla uppbyggingu í Spönginni og að Grafarvogsbúar hafi tekið vel í hugmyndir félagsins um uppbyggingu og fjölgun íbúða á svæðinu í könnun sem félagið lét gera. „Félagið hyggst ráðast í uppbyggingu sem felur í sér byggingu nýrra íbúða og meira rými fyrir verslanir og þjónustu auk almenningsrýma,“ segir í fréttinni. Og þar segir ennfremur: „Reitir létu framkvæma könnun meðal íbúa Grafarvogs um framtíð Spangarinnar. Þar kom fram að 53% íbúa 60 ára og eldri í Grafarvogi sjá fram á að vilja selja stærra húsnæði til að flytja í minni íbúð innan Grafarvogs en skortur er á slíkum þar. Mikill áhugi er á að almenningsrýmum og grænum svæðum verði fjölgað á svæðinu.“
„Ófreskjan“ hefur gengið yfir höfuðborgina og okkur Grafarvogsbúa. Þeir fyrir norðan finna þó enn hressilega fyrir veðrinu og skv. Morgunblaðinu búa Siglfirðingar sig undir aðra bylgju í kvöld þegar hann snýst í hvassa norðanátt. Þök fuku af húsum á Siglufirði í morgun. Einar Sveinbjörnsson veðurfræðingur hefur birt fjölda frétta af lægðinni á FB-síðu sinni og kallar hana einfaldlega „ ófreskjuna “. Hann segir í færslu á FB-síðu sinni að loftþrýstimetið frá 1963 sé líklegast fallið en á Vatnsskarðshólum, rétt vestan við Dyrhólaey, fór loftþrýstingur niður í 937,5 hPa í morgun en 938,4 hPa var metið á Stórhöfða 1963.
Það var mikill heiður fyrir mig að vera boðið að halda erindi á 40 ára afmælishátíð Stjórnvísi á dögunum, stærsta stjórnunarfélagi landsins, en ég sat í stjórn félagsins frá 2009 til 2013 og þar af sem formaður í tvö ár. Ég hélt fyrsta erindið um morguninn og fór yfir tilurð félagsins og helstu breytingar í stjórnun á Íslandi á síðustu fjörutíu árum en félagið hét í upphafi Gæðastjórnunarfélag Íslands en nafni þess var breytt í Stjórnvísi árið 2000. Svo ánægjulega vildi til að þegar umræðan um gæðastjórnun náði nýjum hæðum hér á landi árið 1992, eða fyrir 34 árum, með átakinu um Þjóðarsókn í gæðamálum sem Gæðastjórnunarfélag Íslands, Félag íslenskra iðnrekenda og iðnaðarráðuneytið komu að, var mér boðið að halda erindi á sérstakri ráðstefnu á Holiday Inn um þjóðarátakið og var þar einnig með fyrsta erindið og þá á eftir Jóni Sigurðssyni, þáverandi iðnaðarráðherra, sem setti ráðstefnuna - en hann hafði verið yfirmaður minn á Þjóðhagsstofnun þar sem ég vann í um þrjú ár með námi mínu í viðskipta- og hagfræði. Mér fannst rakið að minnast þess í erindi mínu að núna, 34 árum síðar, væri ég í ræðupúlti á sama stað og nánast á sama tíma árs - en að vísu héti hótelið núna Grand Hótel - og að ég væri að fjalla um gæðastjórnun og helstu breytingar sem hefðu orðið á viðskiptalífinu og í stjórnun almennt á þessum fjörutíu árum. Ég nefndi fjögur atriði sérstaklega varðandi breytingar á viðskiptalífinu og stjórnun fyrirtækja: 1) Píramídinn hefur verið pressaður niður með straumlínulagaðri stjórnun. „Gólfið“ hefur meira vald til að taka ákvarðanir og upplýsingar berast hraðar „upp“ um þarfir viðskiptavina. 2) Konur hafa haslað sér völl sem stjórnendur en örfáar konur voru í stjórnunarstöðum fyrir 40 árum. Núna eru þær svo víða sem stjórnendur að ýmsum finnst að það sé farið að halla verulega á karlmenn við ráðningar í stjórnunarstöður. 3) Þarfir viðskiptavina vega miklu þyngra. Áður var það hvað hentaði fyrirtækjunum best (opnunartímar, vöruval og fl.) en núna eru það viðskiptavinirnir sem fyrirtækin þurfa að laga sig að. 4) Tæknibyltingin mikla með Veraldarvefnum, gervigreind og allri upplýsingatækni á hvaða formi sem hún er. Ráðstefnan var mjög vel sótt og mikil orka og stemning í salnum. Bergur Ebbi, ráðstefnustjórinn, átti sinn þátt í því. Snjall maður og skemmtilegur. En hér má sjá erindi mitt í meðfylgjandi myndbandi; Youtube., fyrir þá sem hafa áhuga. Takk fyrir mig Stjórnvísi. P.S. Lada var mestseldi bíll landsins árið 1986. Hvar er hún núna? Jón G. Hauksson, ritstjóri Grafarvogur.net
Við höldum áfram að segja fréttir af íbúafundinum með Heiðu Björg Hilmisdóttur, fyrrverandi borgarstjóra, á Bókasafninu í Grafarvogi hinn 10. febrúar sl. En fundarmönnum var mjög heitt í hamsi þegar umræðan barst að tillögum Reita, sem kynntar höfðu verið á heimasíðu félagsins, um Spöngina. Einn fundarmanna, Trausti Harðarson , íbúi í Grafarvogi, lét mjög til sín taka á findinum um Spöngina og spurði Heiðu hvort girða ætti Spöngina af og búa til eins konar virki um hana, svo byltingarkenndar væru hugmyndir Reita. Stóra málið á fundinum var samt það hvort verið væri að lauma inn fjölda nýrra íbúða í Grafarvoginn, bakdyramegin í gegnum Reiti, á sama tíma og meirihlutinn (fyrrv. meirihluti) segðist hættur við öll áform um þéttingu byggðar og ætlaði að láta málið í hendurnar á nýjum meirihluta sem yrði myndaður eftir kosningar.
Ólöf Örvarsdóttir, sviðsstjóri umhverfis- og skipulagssviðs , fékk orðið á fundinum á Bókasafninu í febrúar og kom Heiðu borgarstjóra til aðstoðar varðandi umræðuna um Spöngina. Og sagði samkvæmt frétt okkar á Grafarvogur.net af fundinum: „ Það er fasteignafélagið Reitir sem eiga Spöngina og hafa hug á því að bæta við hana og komu til máls um það við borgina og skrifað var undir viljayfirlýsingu; uppbyggingarsamkomulag. Það sem við gerum svo er að vinna og gera skipulagslýsingu að breytingu að ósk þeirra. Þessi skipulagslýsing fer í samráðsgátt. Svo hefst deiliskipulagið sem fer líka í samráðsgátt. Þetta verður ekki grenndarkynning heldur auglýst og hagaðilum sem búa næst Spönginni verður sent bréf. Þannig að þetta er bara fyrsta skrefið. Þetta er tillaga komin frá Reitum sem eru lóða- og fasteignaeigendur á svæðinu og okkur ber að taka ósk þeirra til stjórnsýslulegrar meðferðar, “ sagði Ólöf. HAFIÐ ÞIÐ EKKERT LÆRT AF GRÆNA GÍMALDINU? Fundargestur reis þá upp og sagði: „ Hafið þið ekkert lært af Græna gímaldinu sem þið byggðuð í Breiðholti. Ég bý í blokk við Spöngina og við komum til með að missa allt sólarljós við þær tillögur sem hafa verið kynntar. Mér líst ekkert á þetta .“ Þá svaraði Ólöf : „ Það er ekki rétt í þessu tilviki, það liggja ekki fyrir neinar endarlegar tillögur. Reitir eru með ósk um að byggja upp og svo gerum við skipulagslýsingu þar sem fram koma allar forsendur og síðan fer þetta í lögbundið samráð. Ég lofa þér því að þetta mun ekki fara fram hjá þér .“ - Það er búið að teikna þessar tillögur Reita! - greip þá fundargesturinn inn í „ og kynna þær með teikningum. “ „ Ég get ekki ábyrgst það sem Reitir gera. Auðvitað skoða Reitir tækifæri eins og öll önnur fasteignaþróunarfélög gera ,“ bætti Ólöf við. „ Verður þetta samt ekki allt á forsendum þeirra ,“ svaraði þá fyrirspyrjandi. Þetta var kjarninn í umræðunni um Spöngina á fundinum og stækkun hennar. - JGH
Mikill kurr var á frægum íbúafundi með Heiðu Björgu Hilmisdóttur borgarstjóra hinn 10. febrúar sl. á Bókasafni Grafarvogs þegar talið barst að fyrirhugaðri uppbyggingu Reita á Spönginni og fannst mörgum að með pælingum Reita væri verið að lauma inn íbúðum bakdyramegin í Grafarvog á sama tíma og þétting byggðar í hverfinu hefði verið mikið hitamál á meðal íbúa. Rétt er að rifa þetta upp núna í tilefni af frétt Morgunblaðsins í morgun um könnun Reita um að ánægja sé á meðal Grafarvogsbúa um mikla uppbyggingu og fjölgun íbúða í Spönginni. Sjá hér frétt Grafarvogur.net af fundinum á Bókasafninu 10. febrúar. Meðal annars risu íbúar í grennd við Spöngina upp og spurðu hvort menn hefðu ekkert lært af Græna gímaldinu í Breiðholti og hvort smíða ætti virki um Spöngina; svo umfangsmiklar væru hugmyndir Reita. Meðal annars reis einn fundarmanna upp og sagðist vera íbúi í Vættaborgum á bak við Spöngina og að miklir skuggar væru fyrirsjáanlegir í hverfinu yrðu þessar hugmyndir Reita að veruleika. Fékk hann mikið lófaklapp í kjölfarið. - JGH
Morgunblaðið segir frá því í frétt í morgun að fasteignafélagið Reitir ráðgeri mikla uppbyggingu í Spönginni og að Grafarvogsbúar hafi tekið vel í hugmyndir félagsins um uppbyggingu og fjölgun íbúða á svæðinu í könnun sem félagið lét gera. „Félagið hyggst ráðast í uppbyggingu sem felur í sér byggingu nýrra íbúða og meira rými fyrir verslanir og þjónustu auk almenningsrýma,“ segir í fréttinni. Og þar segir ennfremur: „Reitir létu framkvæma könnun meðal íbúa Grafarvogs um framtíð Spangarinnar. Þar kom fram að 53% íbúa 60 ára og eldri í Grafarvogi sjá fram á að vilja selja stærra húsnæði til að flytja í minni íbúð innan Grafarvogs en skortur er á slíkum þar. Mikill áhugi er á að almenningsrýmum og grænum svæðum verði fjölgað á svæðinu.“
„Ófreskjan“ hefur gengið yfir höfuðborgina og okkur Grafarvogsbúa. Þeir fyrir norðan finna þó enn hressilega fyrir veðrinu og skv. Morgunblaðinu búa Siglfirðingar sig undir aðra bylgju í kvöld þegar hann snýst í hvassa norðanátt. Þök fuku af húsum á Siglufirði í morgun. Einar Sveinbjörnsson veðurfræðingur hefur birt fjölda frétta af lægðinni á FB-síðu sinni og kallar hana einfaldlega „ ófreskjuna “. Hann segir í færslu á FB-síðu sinni að loftþrýstimetið frá 1963 sé líklegast fallið en á Vatnsskarðshólum, rétt vestan við Dyrhólaey, fór loftþrýstingur niður í 937,5 hPa í morgun en 938,4 hPa var metið á Stórhöfða 1963.
Það var mikill heiður fyrir mig að vera boðið að halda erindi á 40 ára afmælishátíð Stjórnvísi á dögunum, stærsta stjórnunarfélagi landsins, en ég sat í stjórn félagsins frá 2009 til 2013 og þar af sem formaður í tvö ár. Ég hélt fyrsta erindið um morguninn og fór yfir tilurð félagsins og helstu breytingar í stjórnun á Íslandi á síðustu fjörutíu árum en félagið hét í upphafi Gæðastjórnunarfélag Íslands en nafni þess var breytt í Stjórnvísi árið 2000. Svo ánægjulega vildi til að þegar umræðan um gæðastjórnun náði nýjum hæðum hér á landi árið 1992, eða fyrir 34 árum, með átakinu um Þjóðarsókn í gæðamálum sem Gæðastjórnunarfélag Íslands, Félag íslenskra iðnrekenda og iðnaðarráðuneytið komu að, var mér boðið að halda erindi á sérstakri ráðstefnu á Holiday Inn um þjóðarátakið og var þar einnig með fyrsta erindið og þá á eftir Jóni Sigurðssyni, þáverandi iðnaðarráðherra, sem setti ráðstefnuna - en hann hafði verið yfirmaður minn á Þjóðhagsstofnun þar sem ég vann í um þrjú ár með námi mínu í viðskipta- og hagfræði. Mér fannst rakið að minnast þess í erindi mínu að núna, 34 árum síðar, væri ég í ræðupúlti á sama stað og nánast á sama tíma árs - en að vísu héti hótelið núna Grand Hótel - og að ég væri að fjalla um gæðastjórnun og helstu breytingar sem hefðu orðið á viðskiptalífinu og í stjórnun almennt á þessum fjörutíu árum. Ég nefndi fjögur atriði sérstaklega varðandi breytingar á viðskiptalífinu og stjórnun fyrirtækja: 1) Píramídinn hefur verið pressaður niður með straumlínulagaðri stjórnun. „Gólfið“ hefur meira vald til að taka ákvarðanir og upplýsingar berast hraðar „upp“ um þarfir viðskiptavina. 2) Konur hafa haslað sér völl sem stjórnendur en örfáar konur voru í stjórnunarstöðum fyrir 40 árum. Núna eru þær svo víða sem stjórnendur að ýmsum finnst að það sé farið að halla verulega á karlmenn við ráðningar í stjórnunarstöður. 3) Þarfir viðskiptavina vega miklu þyngra. Áður var það hvað hentaði fyrirtækjunum best (opnunartímar, vöruval og fl.) en núna eru það viðskiptavinirnir sem fyrirtækin þurfa að laga sig að. 4) Tæknibyltingin mikla með Veraldarvefnum, gervigreind og allri upplýsingatækni á hvaða formi sem hún er. Ráðstefnan var mjög vel sótt og mikil orka og stemning í salnum. Bergur Ebbi, ráðstefnustjórinn, átti sinn þátt í því. Snjall maður og skemmtilegur. En hér má sjá erindi mitt í meðfylgjandi myndbandi; Youtube., fyrir þá sem hafa áhuga. Takk fyrir mig Stjórnvísi. P.S. Lada var mestseldi bíll landsins árið 1986. Hvar er hún núna? Jón G. Hauksson, ritstjóri Grafarvogur.net
Áhugi Grafarvogsbúa á umferðinni um Höfðabakka og þeim breytingum sem þar var ráðist í á síðasta ári er eðlilega mikill enda Höfðabakkinn helsta umferðaræðin inn og út úr hverfinu. Eftir frétt okkar í gær um að núverandi meirihluti í borginni ætli að færa gatnamót Höfðabakka og Bæjarháls sem mest í fyrra horf fengum við þessa skemmtilegu mynd frá dyggum lesanda okkar. Hann var ánægður með skrif okkar um framkvæmdirnar við Höfðabakkann frá því þær hófust um mitt sumar í fyrra og ákvað að búa til mynd með aðstoð gervigreindarinnar - en það er núna mjög í tísku - og senda okkur. Myndin er af stóru og miklu skilti þar sem leiðin liggur um Höfðabakkann að Grafarvogi.net. Gaman að þessu. Gervigreindinin fer augljóslega létt með þetta hjá mörgum Grafarvogsbúanum, núverandi sem fyrrverandi. Við þökkum kærlega fyrir myndina. Hún fellur auðvitað undir hugtakið „fake news“ og er eina falsfréttin sem við höfum birt. En við getum auðvitað ekki annað en birt hana - segir það sig ekki sjálft? - JGH
Við gátum ekki stillt okkur um að leika okkur aðeins með fyrirsögnina þegar kemur að umfjöllun um loft og meira loft hjá okkur Grafarvogsbúum. En ýmsir hafa spurt sig að því hvar hægt sé að fá loft í dekkin á Olís-stöðinni við Gullinbrú eftir að Pikkolo skúrinn kom til sögunar og hin rótgróna loftpumpa sem þar var fékk að róa. Dælan eða rafmagnspumpan er núna á Glans-stöðinni og auðvelt að nálgast hana þar. Nóg er nú loftið þar á bæ og það leikur um loftslönguna og í dekkin - sem sum eru með slöngum. Stundum hafa þessar loftdælur á bensínstöðvum verið nefndar loftpressur. Við sem unnum á loftpressu um tíma í þá gömlu góðu eigum frekar erfitt með að tala um loftpressur á bensínstöðvum. Þær tilheyra frekar jarðvegsvinnu. Aðalatriðið er að dekkin blási út. Það gera þau núna með glans. - JGH
Núna liggur fyrir tillaga hjá umhverfis- og skipulagsráði Reykjavíkurborgar um að vinda ofan af ruglinu og breyta aftur gatnamótunum við Höfðabakka og Bæjarháls. Afgreiðslu tillögunnar var frestað til næsta fundar. Frétt um þetta birtist á mbl.is í morgun og má sjá hana hér. Fjórir flokkar í borgarstjórn standa að tillögunni; meirithlutaflokkarnir Sjálfstæðisflokkur, Viðreisn og Framsóknarflokkur - sem og Miðflokkurinn. Margir eru á því að laga þurfi önnur gatnamót við Höfðabakkann en farið var í að breyta fimm þeirra um leið og umferðarljós voru endurnýjuð. Grafarvogur.net hefur flutt fjölda frétta um framkvæmdirnar við þessi fimm gatnamót við Höfðabakka. En með breytingum við gatnamót Höfðabakka og Bæjarháls var búin til algjör umferðarteppa á álagstímum. Það sem meira var; það sáu það allir fyrir að í algjört öngþveiti stefndi.
Það verða hressilegir tónleikar í Grafarvogskirkju í hádeginu á morgun þegar kórar frá Íslandi (Borgarholtsskóla), Þýskalandi og Liechtenstein hefja upp raust sína og taka lagið. Þetta verður mikið tónflóð - svo sannarlega „sound of music“! Ætla verður að nemendur úr Borgarholtsskóla muni fjölmenna í kirkjuna í hádeginu og hlýða á kórana taka lagið. Auk kórs Borgarholtsskóla munu kórar nemenda frá Nordhorn Gymnasium , Þýskalandi, og Gymnasium Vaduz, Liechtenstein, stíga á stokk í kirkjunni og taka lagið.
Heita vatnið verður tekið af öllum íbúðum í Grafarvogi á miðnætti annað kvöld, þriðjudagskvöld, og verður heitavatnslaust fram að hádegi á miðvikudag. Veitur hvetja íbúa til að loka gluggum til að minnka hitatapið. Það má sjálfsagt bæta því við að gott sé að eiga góða sæng þegar gengið verður til náða annað kvöld því húskuldi er fremur hvimleiður. Fram kemur í tilkynningu frá Veitum að verið sé að endurnýja búnað og því sé nauðsynlegt að taka heita vatnið af á meðan. Þá segir ennfremur: Mikilvægt er að hafa skrúfað fyrir krana innanhúss til að draga úr hættu á slysi eða tjórni þegar heita vatnið kemur aftur á. Húseigendum er bent á að huga að sínum innanhússkerfum; til dæmis gólfhitakerfum. Þegar vatninu er hleypt á lagnir að nýju er það gert hægt og rólega. Það geta komið upp lekar í viðamiklu dreifikerfi eftir lokun og þá er mikilvægt að láta okkur vita strax.“ Allar nánari upplýsingar frá Veitum er að finna hér í þessum tengli. - JGH
Hvar eru nú svörtu plastpokarnir aftur?, varð mér á orði við einn nálægan viðskiptavin þegar ég var í Bónus. Ekki þurfti hann að svara - því mér var svarað um hæl; og það að ofan! Það var hún Unnur María Helgudóttir , verslunarmaður í Bónus, sem svaraði og það úr „ efstu hillu “ eins og íþróttamönnum á Sýn er svo tamt að nota um þá íþróttamenn sem skora sérlega glæsileg mörk. Við, sem erum frumbyggjar í Grafarvoginum og skjótumst í Bónus í Spöngina, ( þótt við vitum ekki enn hvar plastpokarnir eru ) könnumst auðvitað við mörg þeirra sem þar vinna. Þekkjum andlitin, eins og það er orðað. Unnur María er ein af þeim; jafnan hress, brosmild, dugleg og mjög liðleg. Og þetta með efstu hilluna var ekkert mál fyrir hana. Góðar tröppur og svo sippaði hún sér léttilega upp á rekkann til að taka aðeins til og koma nýjum vörum betur fyrir. Gaman að þessu. Og það var auðsótt að fá að taka mynd af henni. Persónuleg þjónusta. Svona á að gera þetta! Það eru ekki bara starfsmenn á gólfi eða plani í Bónus í Spönginni. - JGH
Helgi Árnason, skákfrömuður og fyrrum skólastjóri Rimaskóla, birtir á FB-síðu sinni í dag snilldarmynd af regnboga yfir Grafarvogi. Með myndinni birtir hann þennan texta: „Regnbogadyrnar inn í Grafarvog.“ Vel orðað. Gullinbrú er helsta umferðaræðin inn í hverfið okkar góða og dyrnar inn í Grafarvog. Samkvæmt þjóðtrúnni þykir fylgja því sérstök gæfa að standa undir regnboga eða tækifæri til að láta óskir rætast. Og hvað þá að búa undir regnboga. Megi gæfa fylgja Grafarvogi hér eftir sem hingað til. - JGH
Það er ýmislegt sem maður rekst á þegar vafrað er um á netinu. Magnús Magnússon setti inn meðfylgjandi haustlitaveislu á Facebook en veislan sú er ættuð að norðan; frá Akureyri. Sérlega vel gert myndband hjá Magnúsi og ekki er nú verra að hafa söng meistara Bowie sem undirleik. Gróðurinn fer í „litríkari spariföt“ þegar hausta tekur. Allar árstíðir hafa sinn sjarma. Hér má sjá myndbandið góða með því að smella í haustlitaveislu Magnúsar. - JGH
Sagan snertir alla; hún er mannleg, áhrifarík, átakanleg en jafnframt skemmtileg og dularfull - og margir hafa merkt hjarta við hana á FB. Hún birtist í nokkrum brotum á FB-síðunni Íbúar í Grafarvogi þegar Thelma Björk Ottesen í Vættarborgum 3 spyr hvort einhver þekki þetta fólk. „Við vorum að taka við íbúð hér í Grafarvogi og fundum þessar tvær brúðkaupsmyndir aftast í efstu hillu í skáp í útigeymslu. Ef einhver þekkir til þessa ágæta fólks má endilega láta þau vita af myndunum, ef þau vilja nálgast þær til okkar þá er það meira en velkomið.“ Laufey Gísladóttir , íbúi í Keflavík, svarar í athugasemdakerfinu og segist vera á brúðkaupsmyndinni til vinstri ásamt eiginmanni sínum heitnum Sigfúsi sem látist hafi fyrir þremur árum. ( Sigfús B. Yngvason ). Laufey skrifar: „Við höfum aldrei búið í Vættaborgum en Sigurgeir Gíslason bróðir og Ísabella Theodórsdóttir mágkona bjuggu þar fyrir, jeminn, örugglega meira en áratug. Eða hvenær var það? Þau bjuggu ekki lengi þarna en voru á mörgum stöðum í mismunandi leiguhúsnæði eftir að þau komu heim úr námi - sem var í hruninu „by the way“ - og engin leið var fyrir unga námsmenn að kaupa strax.“ Laufey bætir svo við með broskarli: „Þau fá orð i eyra fyrir að skilja okkur eftir þarna. Við Sigfús giftum okkur 1989, ég rétt að verða 19 ára og hann 26 ára, enda ungt fólk á þessari mynd. Náðum að vera gift í 34 ár. Sigfús minn lést fyrir tæpum 3 árum, kannski er hann bara að minna á sig - væri það ekki bara notalegt: „ Laufey mín, ég er að fylgjast með að þér líði vel. ““ Við þennan lestur komast lesendur svolítið við, eðlilega. Fallegt.
Íbúar í Bryggjuhverfinu minnast Björns Ólafs arkitekts í færslu á FB í morgun en hann hannaði og skipulagði Bryggjuhverfið á sínum tíma. Björn bjó í París og lést á heimili sínu þar 27. júní síðastliðinn, 87 ára að aldri. Hann skipulagði tvö hverfi á höfuborgarsvæðinu sem bæði eru reist á landfyllingum, Bryggjuhverfið við Grafarvog og Sjálandshverfi í Garðabæ. Auk þess teiknaði hann allmörg hús í þessum hverfum og sömuleiðis nokkur stór fjölbýlishús við höfnina í Hafnarfirði.
Ungverjinn Norbert Zoho birti þessa stórkostlegu mynd inni á vefnum Íbúasamtök Bryggjuhverfis í morgun af fegurðinni miklu í gærkvöldi við Grafarvoginn og sundin blá. Ásta Þorleifsdóttir , jarðfræðingur og Grafarvogsbúi, tók einnig magnaðar myndir af sólroðanum í gærkvöldi líkt og má sjá í þessari frétt okkar. Á fundi Íbúasamtaka Grafarvogs í Skálanum í Gufunesi fyrir kosningarnar varð frambjóðendum tíðrætt um umferðarmál, umferðarteppur, Samgöngusáttmálann, Borgarlínu og svo barst talið að því hvort Grafarvogsbúar vildu frekar Sundabraut eða Sundagöng. Þessi stórkostlega mynd Norberts Zoho sem tekin var með dróna í gærkvöldi svarar eiginlega spurningunni um braut eða göng. Sundagöng vinna svo sannarlega á í því vali við þessa mynd. Brú myndi breyta myndinni - ekki satt? - JGH
Ásta Þorleifsdóttir jarðfræðingur og Grafarvogsbúi birtir einstakar myndir af sólroðanum í gærkvöldi á FB-síðu sinni. Horft er yfir Geldinganesið í átt að Akranesi og blasir Akrafjallið við sem og hluti Esjunnar lengst til hægri. Alveg hreint magnaðar myndir hjá henni. Það er stundum talað um sundin blá sem svo sannarlega urðu sundin rauð í gærkvöldi. - JGH
