Hann var sérlega líflegur og málefnalegur fundurinn með Hildi Björnsdóttur borgarstjóra hjá Félagi sjálfstæðismanna í Grafarvogi í kvöld. Það var metaðsókn á fundinn eins og við var búist og salurinn troðfullur og meira til; fólk stóð frammi á gangi og fylgdist með umræðunum. Mikil stemning var á fundinum og fékk borgarstjóri mikið lófaklapp. Grafarvogurinn er jú sterkasta vígi Sjálfstæðisflokksins í höfuðborginni. „HEITA KARTAFLAN“ Hildur kom víða við í erindi sínu og spurningum rigndi síðan yfir hana þegar fyrirspurnir voru leyfðar. „Heita kartaflan“ í Grafarvogi um þessar mundir er Spöngin og þær hugmyndir Reita um að byggja þar 170 til 200 íbúðir ásamt auknu verslunarrými. Íbúar norðan Spangarinnar óttast skuggavarp vegna hæðar fyrirhugaðra bygginga og skerðingar sólarljóss; rasks og ónæðis á framkvæmdatíma og loks að bílastæði fyrirhugaðra fjölbýlishúsa verði ónóg þannig að stæði nágranna verði notuð. Reynslan frá Móavegi (fjölbýlishúsin við hliðina á Bónus) sé afleit þar sem íbúar við þá götu leggi á bílastæðum í nágrenninu og á stæðum verslananna vegna ónógra bílastæða við heimili þeirra. EKKERT SAMÞYKKT MEÐ SPÖNGINA Hildur sagði að ekkert hefði verið samþykkt varðandi Spöngina og ítrekaði að fram komin tillaga Reita væri einvörðungu vinnslutillaga hjá fyrirtækinu. Reitir hefðu engin loforð frá borgarstjórn um framkvæmdirnar og öll vinnsla málsins væri algjörlega á ábyrgð fyrirtækisins. Það kom skýrt fram hjá henni að ekki yrði farið gegn vilja íbúa í Grafarvogi varðandi Spöngina - og þær hugmyndir sem fyrirtækið hefði kynnt yrðu aldrei samþykktar nema að klár vilji og stuðningur væri við þær hjá íbúum í Grafarvogi. Hvatti Hildur íbúa í Grafarvogi til samráðs og að láta málið sig varða. TEKIÐ VERÐI TILLIT TIL VILJA ÍBÚA Magnús Ásgeirsson , íbúi í Grafarvogi, sat fundinn fyrir hönd Grafarvogs.net og sagði að Hildur hefði verið mjög skýr og afdráttarlaus í því að Reitir yrðu að eiga samtal og samráð við íbúa við að móta hugmyndir sínar varðandi Spöngina og hlusta eftir vilja þeirra - og alls ekki framkvæma án samráðs og sáttar eða koma með fullmótaðar tillögur sem íbúum væri ætlað að samþykkja eftir á án þess að þeir hefðu haft aðkomu að málinu á fyrri stigum þess. Þetta hefði borgin ítrekað í öllum samtölum við fyrirtækið.
Hann var sérlega líflegur og málefnalegur fundurinn með Hildi Björnsdóttur borgarstjóra hjá Félagi sjálfstæðismanna í Grafarvogi í kvöld. Það var metaðsókn á fundinn eins og við var búist og salurinn troðfullur og meira til; fólk stóð frammi á gangi og fylgdist með umræðunum. Mikil stemning var á fundinum og fékk borgarstjóri mikið lófaklapp. Grafarvogurinn er jú sterkasta vígi Sjálfstæðisflokksins í höfuðborginni. „HEITA KARTAFLAN“ Hildur kom víða við í erindi sínu og spurningum rigndi síðan yfir hana þegar fyrirspurnir voru leyfðar. „Heita kartaflan“ í Grafarvogi um þessar mundir er Spöngin og þær hugmyndir Reita um að byggja þar 170 til 200 íbúðir ásamt auknu verslunarrými. Íbúar norðan Spangarinnar óttast skuggavarp vegna hæðar fyrirhugaðra bygginga og skerðingar sólarljóss; rasks og ónæðis á framkvæmdatíma og loks að bílastæði fyrirhugaðra fjölbýlishúsa verði ónóg þannig að stæði nágranna verði notuð. Reynslan frá Móavegi (fjölbýlishúsin við hliðina á Bónus) sé afleit þar sem íbúar við þá götu leggi á bílastæðum í nágrenninu og á stæðum verslananna vegna ónógra bílastæða við heimili þeirra. EKKERT SAMÞYKKT MEÐ SPÖNGINA Hildur sagði að ekkert hefði verið samþykkt varðandi Spöngina og ítrekaði að fram komin tillaga Reita væri einvörðungu vinnslutillaga hjá fyrirtækinu. Reitir hefðu engin loforð frá borgarstjórn um framkvæmdirnar og öll vinnsla málsins væri algjörlega á ábyrgð fyrirtækisins. Það kom skýrt fram hjá henni að ekki yrði farið gegn vilja íbúa í Grafarvogi varðandi Spöngina - og þær hugmyndir sem fyrirtækið hefði kynnt yrðu aldrei samþykktar nema að klár vilji og stuðningur væri við þær hjá íbúum í Grafarvogi. Hvatti Hildur íbúa í Grafarvogi til samráðs og að láta málið sig varða. TEKIÐ VERÐI TILLIT TIL VILJA ÍBÚA Magnús Ásgeirsson , íbúi í Grafarvogi, sat fundinn fyrir hönd Grafarvogs.net og sagði að Hildur hefði verið mjög skýr og afdráttarlaus í því að Reitir yrðu að eiga samtal og samráð við íbúa við að móta hugmyndir sínar varðandi Spöngina og hlusta eftir vilja þeirra - og alls ekki framkvæma án samráðs og sáttar eða koma með fullmótaðar tillögur sem íbúum væri ætlað að samþykkja eftir á án þess að þeir hefðu haft aðkomu að málinu á fyrri stigum þess. Þetta hefði borgin ítrekað í öllum samtölum við fyrirtækið.
Reitir hafa haft samband við forráðamenn Íbúasamtaka Grafarvogs og óskað eftir fundi með þeim í næstu viku. Þetta staðfestir Elísabet Gísladóttir, formaður samtakanna. Hún og Árni Guðmundsson varaformaður munu funda með Reitum í næstu viku vegna áforma fyrirtækisins um að fara í umfangsmikla uppbyggingu á Spönginni með auknu verslunarrými og um 170 til 200 nýjum íbúðum. Hugmyndir Reita um að bylta Spönginni bar á góma á fundinum með Hildi Björnsdóttur borgarstjóra hjá Félagi Sjálfstæðismanna í Grafarvogi í gærkvöldi. Þar sagði Hildur að ekki yrði farið gegn vilja íbúa í Grafarvogi og að vinnslutillaga Reita - sem svo mjög hefur verið í umræðunni - væri algerlega á ábyrgð fyrirtækisins. Borgin hefði ekki gefið fyrirtækinu nein loforð og ítreka við Reiti að vinna yrði hugmyndina í fullu samráði við íbúa í Grafarvogi. Ekki þýddi að koma með fullmótaðar tillögur sem færu gegn vilja íbúa og þeim væri ætlað að samþykkja eftir á til málamynda. Á fundinum hvatti hún íbúa til samráðs um þetta mál og láta það sig varða. - JGH .
Hildur Björnsdóttir borgarstjóri mætir í Grafarvoginn á morgun þegar hún verður gestur á opnum fundi Félags sjálfstæðismanna í Grafarvogi. Fundurinn hefst klukkan 18:00, fimmtudaginn 29. okt., og verður í sal félagsins að Hverafold 3 , verslunarmiðstöðinni Torginu, á annarri hæð. Búast má við metaðsókn á fundinn. Hildur mun fara yfir stöðu mála í borginni og þær aðgerðir sem meirihlutinn hefur ráðist í að undanförnu en mesta kastljósið hefur verið á sparnað, tiltekt í rekstri og hópuppsagnir. Sjá frétt Vísis í dag. Hildur hefur haldið því fram að fjárhagsstaða borgarinnar sé erfið og ekki verði komist hjá alvöru tiltekt í rekstrinum. Reykjavíkurborg er eitt stærsta fyrirtæki landsins með um 11 þúsund starfsmenn.
Enn er ekkert ákveðið af hálfu borgarinnar um þau áform Reita að hefja mikla uppbyggingu í Spönginni og byggja á annað hundruð íbúða á svæðinu. Reitir vinna málið á eigin ábyrgð. Við á Grafarvogi.net höfum sagt að þetta Spöngin verði mjög líklega í hitamál í Grafarvogi og að Spöngin verði hinn heiti reitur Reita. Málið er samt á talsverðri hreyfingu og Reitir eru þegar komnir með það í gegnum tvö hlið en það er núna í þriðja hliði, skv. meðfylgjandi korti. HLIÐ 1: Beiðni Reita: Vinna deiliskipulag. HLIÐ 2: Skipulagslýsingar. HLIÐ 3: Samráðsferli. (Þar er málið núna statt). Ljóst er að Grafarvogsbúar munu fylgjast grannt með þessu máli sem og auðvitað hinn nýi meirihluti í borginni sem þarf að samþykkja endanlegar teikningar Reita og setja málið í hefðbundinn farveg fyrir íbúa - sem merkir að endanlegar tillögur Reita þurfa að fara í gegnum breytt deiliskipulag. Núverandi meirihluti hefur hætt við þau þéttingaráform sem upp komu á fyrra kjörtímabili en íbúar spyrja sig eðlilega að því núna hvort fjöldi nýrra íbúða í Spönginni hjá Reitum - jafnvel 170 til 200 - sé í samræmi við þá ákvörðun að hætta við þéttingu í Grafarvogi. Sjá þessa frétt.
Núverandi meirihluti í borgarstjórn ákvað í síðustu viku að falla formlega frá öllum þeim áformum um þéttingu byggðar sem uppi voru á síðasta kjörtímabili varðandi breytingar á Aðalskipulagi 2040. Þar með hefur verið fallið frá þéttingu byggðar á öllum þeim reitum sem merktir eru með gulu á meðfylgjandi korti og við á Grafarvogi.net birtum nokkrum sinnum í umfjöllun okkar í fyrravor þegar þetta mál brann mjög á Grafarvogsbúum og mótmælin voru afgerandi á meðal íbúa. Hinn nýi meirihluti fimm flokka sem tók við á síðasta kjörtímabili undir stjórn Heiðu Bjargar Hilmisdóttur setti málið á ís fyrir kosningarnar sl. vor og sagði að það væri verk nýs meirihluta að klára það og ganga frá því. Nú hefur málið verið afgreitt og hætt við þéttingu byggðar í borginni skv. fyrirhuguðum breytingum á Aðalskipulagi 2040.
Miðað við viðbrögð Grafarvogsbúa á samfélagsmiðlum í gær við fréttum um hugmyndir Reita um mikla uppbyggingu í Spönginni stefnir í að Spöngin verði heitur reitur hjá Reitum og Grafarvogsbúum á næstunni. Skoðanir virðast mjög skiptar. Margir lýstu ánægju sinni með tillögurnar en aðir voru mjög á móti þeim. Kynnt var könnun Reita í Morgunblaðinu í gær sem sýndi velvilja Grafarvogsbúa við mikla uppbyggingu í Spönginni en Reitir íhuga að byggja þar fjölda íbúða þótt í Morgunblaðinu í gær segði að endanlegur fjöldi þeirra lægi ekki fyrir. Sjá mátti vangaveltur um þessa könnun á samfélagsmiðlum í gær og höfðu einhverjir á orði að fróðlegt væri að vita hvernig úrtakið hefði verið valið; þ.e. hverjir hefðu verið spurðir.
Íbúar við Vættaborgir óttast að missa sólargeislana og lenda í skugga verði af byltingarkenndum hugmyndum Reita um stækkun á Spönginni með háum byggingum. Þetta kom glöggt fram á íbúafundinum með Heiðu Björg Hilmisdóttur, fráfarandi borgarstjóra, á íbúafundi á Bókasafni Grafarvogs hinn 10. febrúar sl. og Grafarvogur.net flutti ítarlegar fréttir af. Þetta mátti líka lesa í ýmsum athugasemdum í gær við fréttum okkar af tillögu Reita að nýju deiliskipulagi sem unnin var í samstarfi við dönsku arkitektastofuna Henning Larsen og Morgunblaðið sagði fyrst frá og ítarlega í gærdag. Stóra spurningin fyrir íbúana er sú hversu mikið verslanir Hagkaups og Bónus (sem verða hlið við hlið) muni hækka eftir uppbygginguna og hvort þeir þurfi eitthvað að óttast skuggamyndun. Við fyrstu sýn virðast tillögurnar ekki gera ráð fyrir mikill hækkun Spangarinnar norðan megin. Fjallað var um tillöguna á fundi umhverfis- og skipulagsráðs Reykjavíkurborgar á dögunum og samkvæmt Morgunblaðinu var vel tekið í hana af núverandi meirihluta og þess fyrrverandi. Samhljómur þar! Það fer hins vegar ekki á milli mála að íbúarnir við Vættarborgir óttast að missa sunnansólina eftir breytingarnar. Þetta mun allt skýrast betur þegar tillögurnar verða kynntar á næstu vikum.
