Það er óhætt að segja að 1. júní 2026 fari í sögubækurnar í Kauphöllinni því þetta er einn svartasti mánudagurinn þar um árabil en Úrvalsvísitalan féll um hvorki meira né minna en 6,44% í dag. „Nú er það svart, það er ljóst,“ líkt og íþróttafréttamaðurinn orðaði það á sínum tíma. En ef til vill ætti frekar að segja einn sá rauðasti í Kauphöllinni. Flestallar tölur rauðar. Gengi Oculus féll um 50% og þá hefur hátt olíuverð og meiri svartsýni á vaxtalækkun og að það dragi úr verðbólgunn i á næstunni áhrif á markaðinn. En auðvitað vona allir að Eyjólfur hressist og þessi lækkun gangi eitthvað til baka á næstu dögum. Hlutabréf eru langtímafjárfesting og stundum er best að horfa framhjá öllum skammtíma sveiflum. - JGH
Það er óhætt að segja að 1. júní 2026 fari í sögubækurnar í Kauphöllinni því þetta er einn svartasti mánudagurinn þar um árabil en Úrvalsvísitalan féll um hvorki meira né minna en 6,44% í dag. „Nú er það svart, það er ljóst,“ líkt og íþróttafréttamaðurinn orðaði það á sínum tíma. En ef til vill ætti frekar að segja einn sá rauðasti í Kauphöllinni. Flestallar tölur rauðar. Gengi Oculus féll um 50% og þá hefur hátt olíuverð og meiri svartsýni á vaxtalækkun og að það dragi úr verðbólgunn i á næstunni áhrif á markaðinn. En auðvitað vona allir að Eyjólfur hressist og þessi lækkun gangi eitthvað til baka á næstu dögum. Hlutabréf eru langtímafjárfesting og stundum er best að horfa framhjá öllum skammtíma sveiflum. - JGH
Leikurinn okkar um hvaða þjónusta og verslanir hafa verið frá upphafi í þessari fyrstu verslunarmiðstöð í Grafarvogi,Torginu, hefur fengið frábærar viðtökur. Hann spannst út frá því að við rákumst á mynd af Torginu í myndasafninu okkar. Mynd frá því í fyrrasumar. EITT STÓRT TAKK til ykkar Grafarvogsbúar og með ykkar liðsinni hefur saga verslunar í Torginu skýrst og til hefur orðið listi sem við unnum upp úr upplýsingum ykkar. Torgið var byggt af hjónunum Gunnlaugi Guðmundssyni og Svanhildi Erlu Jóhannesdóttur Levy sem ráku til að byrja með Gunnlaugsbúð í litlum skúr, gömlum sumarbústað, á lóðinni við Hverafold þegar Grafarvogurinn byggðist hratt upp á níunda tug síðustu aldar. Þar opnuðu þau og ráku stækkaða Gunnlaugsbúð í kjallaranum, söluturninn Foldaskálann við aðalinnganginn á 2. hæð og Sportbúð Grafarvogs í hólfinu vestast á 2. hæð. (Lengi blómabúð, núna Ármenn). Þær Auður G. Eyjólfsdóttir , tannlæknir á 3ju hæð, og Jónína S. Snorradóttir , hárgreiðslukona í Höfuðlausnum á 3ju hæð, hafa verið með rekstur í húsinu frá upphafi en verslunarmiðstöðin tók til starfa í kringum 1990. Pétur Viðarsson keyti Bókabúð Grafarvogs í byrjun ársins 1994 og heldur núna úti einu bókabúðinni í hverfinu og gott ef ekki í höfuðborginni. HÉR ER LISTINN GÓÐI. (Nokkuð skotheldur, höldum við). NEÐSTA HÆÐIN * Gunnlaugsbúð, (Fyrsta matvörubúðin). * Nýkaup. (Þá flotta Hagkaup), * Nóatún. (Kaupás keypti). * Nettó. (Síðasta matvöruverslunin í Torgi). * Prjónabúð-garnabúð. (Við hliðina á Nettó). * Tískuverslun. (Við hliðina á Nettó). * Sandholtsbakarí. (Móti apótekinu) * Byssubúð Agnars. (Við hliðina á bakaríinu, nýhætt) * Grafarvogsapótek. (Selt til Lyfju). * Smíðabær. (Byrjaði uppi, flutti niður). * Trúfélag. (Var um tíma í matvörurýminu). Bolasmiðjan. (Í matvörurýminu). Kjötvinnsla. (Að byrja, skilst okkur). Hverafold bakarí. Topptertur og brauð. * = hætt. MIÐHÆÐIN (2. HÆÐIN) * Búnaðarbankinn.(Kaupþing og Arion). * Prjónabúð. (Var í litlu horni v. bankann). * Foldaskálinn. ( Gunnlaugur opnaði ). * Sjoppan í Foldaskála. * Vídeóleigan Heimamynd. * Smíðabær. (Flutti niður og hætti svo). * Ljósmyndastofa. (Cocos í rýminu núna). * Pósturinn. (Sólstofan er í rýminu núna). * Símabær. (Seldi síma og tæki). * Raftækjabúð. (Varð Bókabúðin). * Skóbúð. Bókabúðin. * Blómabúð Grafarvogs. * Blómabúðin Runni. * Sportbúð Grafarvogs. (Gunnlaugur opnaði). * Efnalaugin Svanhvít. (Síðar Fönn). * Skósmiður. * Dýralíf. * Barnafataverslun. * Tískuverslun. (Á undan Cocos). Tískuverslunin Cocos. Pizzan. Stiletto. (Veitingastaður). Sólbaðsstofan Sportsól. Ármenn. (Félag flugveiðimanna). IOGT. (Í gamla húsnæði bankans). Æskan (hluti af IOGT). Pósturinn. Box utandyra. * Cooking Harmony. (var v. hlið Pizzunnar). * = hætt. EFSTA HÆÐIN (3. HÆÐIN) Tannlæknastofa (Auður G. Eyjólfsdóttir). Hársnyrtistofan Höfuðlausnir. (Jónína S. Snorradóttir). Fasteignasala. Snyrtistofa Grafarvogs. Sjálfstæðisflokkurinn. Snyrtistofan Afródíta. Costa Verde. (Nuddstofa). * Heilsugæsla Grafarvogs. Hér er símaskráin fyrir Hverafold 1-3. HVERAFOLD 5 (BAKHÚSIÐ). ( Tengdist HVERAFOLD 1-3 með yfirbyggingu. ) * Sólbaðsstofa Grafarvogs. (Nú íbúðarhúsnæði). * Tónlistarskóli Grafarvogs. * Apótekið var í þessum hluta á jarðhæð. * Salur Sjálfstæðisflokksins um tíma. Tónskólinn í Reykjavík. (Áður tónlistarskólinn). Lyfjalausnir. (Lyfjaskömmtun á vegum Lyfju). Ölhúsið. (Áður Gullöldin). Gullöldin café-bar. Nokkrir einstaklingar í íbúðarhúsnæði. ATH. Þessi listi er fyrst og fremst til gamans gerður til að rifja upp mikla starfsemi í þessari fyrstu miðstöð verslunar í Grafarvogi og sem er hluti af verslunarsögu hverfisins. Þegar Spöngin var opnuð með Bónus, Hagkaupum og þeim kjarna sem við þekkjum núna missti Torgið spón úr aski sínum og ferðum fólks þangað fækkaði. Einnig tók lítil verslunarmiðstöð við Langarima síðar til starfa sem og við Húsahverfið og allt hafði þetta áhrif á Torgið. Við segjum að þessi listi sé nokkuð skotheldur en ef til vill vantar einhverja og hugsanlega gætir einhverrar ónákvæmni um einstakar verslanir og þjónustufyrirtæki. Við tökum enga ábyrgð á því. Fyrst og fremst er þetta gert til fróðleiks og skemmtunar - og gaman að rifja upp gamla tíma með þúsundum lesenda okkar. Takk aftur fyrir ábendingarnar og að taka þátt með okkur. - JGH
Þegar við vorum að róta í myndasafninu okkar dúkkaði þar upp falleg mynd af Torginu í Grafarvogi - mynd sem var tekin á þessum tíma að kvöldlagi í júlí í fyrrasumar. (Aðeins minni rigning þá). Þá rifjaðist það upp að Torgið er fyrsta miðstöð verslunar og þjónustu í Grafarvogi og er við Hverafold 1 til 5. Það var byggt af hjónunum Gunnlaugi Guðmundssyni og Svanhildi Erlu Jóhannesdóttur Levy sem ráku til að byrja með Gunnlaugsbúð í litlum skúr, nánast í lítilli skonsu, á lóðinni við Hverafold þegar Grafarvogurinn byggðist hratt upp á níunda tug síðustu aldar. En þau tóku skrefið og byggðu upp Torgið. Þar ráku þau Gunnlaugsbúð í kjallaranum, söluturninn Foldaskálann og Sportbúð Grafarvogs. Þau hjón voru afar samheldin í öllu sem þau tóku sér fyrir hendur og seldu Torgið þegar aldurinn færðist yfir þau. Við frumbyggjarnir í Grafarvogi munum vel eftir því þegar Torgið var opnað í kringum 1990 en síðan hefur heldur betur margt breyst á þeim bænum. En þá vaknar spurningin: Hvaða verslanir og þjónusta hafa verið í Torginu frá upphafi? Hvers vegna ekki að bregða á leik með það á Facebook og fá aðstoð lesenda við að fylla upp í myndina og finna svörin? Já, hvers vegna ekki smá fróðleik um verslunarsögu Grafarvogs? - JGH
Það er óhætt að segja að 1. júní 2026 fari í sögubækurnar í Kauphöllinni því þetta er einn svartasti mánudagurinn þar um árabil en Úrvalsvísitalan féll um hvorki meira né minna en 6,44% í dag. „Nú er það svart, það er ljóst,“ líkt og íþróttafréttamaðurinn orðaði það á sínum tíma. En ef til vill ætti frekar að segja einn sá rauðasti í Kauphöllinni. Flestallar tölur rauðar. Gengi Oculus féll um 50% og þá hefur hátt olíuverð og meiri svartsýni á vaxtalækkun og að það dragi úr verðbólgunn i á næstunni áhrif á markaðinn. En auðvitað vona allir að Eyjólfur hressist og þessi lækkun gangi eitthvað til baka á næstu dögum. Hlutabréf eru langtímafjárfesting og stundum er best að horfa framhjá öllum skammtíma sveiflum. - JGH
Hér má nálgast fyrirlesturinn minn á morgunfundi Samtaka sparifjáreigenda. Hér er hægt að lesa blaðið Fjármál og ávöxtun í opnum. Hér er blaðið í heilsíðum.
Jónar í hverri höfn, segir einhvers staðar. Það urðu mjög líflegar umræður á fundi Samtaka sparifjáreigenda á Reykjavik Natura hótelinu í morgun þar sem við nafnarnir, ég og Jón Guðni Ómarsson, bankastjóri Íslandsbanka höfðum framsögu. Ég fór yfir helstu stærðir í efnhagslífnu þegar kemur að sparnaði einstaklinga en ljóst er að háir vextir hafa skilað góðri ávöxtun á innlánsreikningum bankanna á síðasta ári á sama tíma og daufara hefur verið yfir verðbréfamarkaðnum. Ekki fer á milli mála að háir vextir hafa áhrif á sparnað og fé streymir núna inn á innlánsreikninga bankanna en fram kom á fundinum að ekki sé ólíkegt að það leiti fljótt út aftur um leið og vextir lækka eitthvað að ráði. Líflegur og skemmtilegur fundur. Hér má sjá erindi mitt. - JGH
Jón Þorsteinn Oddleifsson, forstjóri Beru, var viðmælandi okkar Sigurðar Más Jónssonar í nýjasta þætti Hluthafaspjalls ritstjóranna á efnisveitunni Brotkast.is. Bera var nafn á móður Egils Skallagrímssonar og það varð fyrir valinu þegar nýtt skipulag var kynnt á starfsemi Ölgerðarinnar í endaðan febrúar sl. Bera er núna móðurfélag samstæðunnar og skráð í Kauphöllina en undir fyrirtækið heyra núna fjögur félög og er Ölgerðin eitt þeirra. Jón Þorsteinn segir að með nýju skipulagi sé verið að skerpa línur og fá skýrari sýn og markmið á hverja einingu fyrir sig. Undirfélög Beru eru Ölgerðin, Danól, Gæðabakstur og Kjarnavörur. Þá tókum við Sigurður Már stöðuna í efnahagsmálum og spyrja sig hvort ríkisstjórnin hafi misst tökin og fókusinn á efnahagsmálin með því að leggja alla áherslu núna á ESB-viðræður. Þá ræddum við ruglið í danska Berlingske um íslenskan sjávarútveg og að þúsundir íslenskra hluthafa í stærstu skráðu íslensku sjávarútvegsfyrirtækjunum séu einhverjir „rússneskir ólígarkar“ en ólígarkar eru jafnan kenndir við Rússland eftir að járntjaldið féll og notað um menn sem sölsuðu undir sig fyrirtæki í eigu almennings. Íslens sjávarútvegsfyrirtæki byggja hins vegar á gömlum merg og hafa verið byggð upp eftir um 40 ára gömlum lögum og leikreglum stjórnvalda um kvótakerfið og þar sem virðisaukinn liggur mjög svo í fullnýtingu aflans og frábæru marðasstarfi fyrirtækjanna á erlendum vettvangi. Öflugur þáttur að venju. - JGH
