Núna hafa yfir 65 þúsund manns skoðað myndskeiðið sem Grafarvogur.net birti af Dagbjarti Sigurbrandssyni , nýkrýndum Íslandsmeistara í golfi, og við settum inn á FB-síðuna okkar. Svo virðist sem hróður Dagbjarts hafi borist út fyrir landsteinana því þónokkir útlendingar hafa yfir lýst ánægju sinni með myndbandið á FB-síðu okkar.. Dagbjartur er Grafarvogsbúi í húð og hár og ólst upp aðeins nokkur hundruð metra frá golfvellinum á Korpu. Það er því ekki ofsögum sagt að Korpan sé heimavöllur Íslandsmeistarans enda landaði hann titlinum eftirsótta með miklum glæsibrag á Korpunni. Sjá frétt okkar hér. En það er líka meira en lítið ánægjulegt fyrir Grafarvogur.net að yfir 65 þúsund manns hafi skoðað þetta myndband okkar af meistaranum - og sem fór á FB-síðu vefsins okkar. Svo sannarlega meistrasveifla. - JGH
Núna hafa yfir 65 þúsund manns skoðað myndskeiðið sem Grafarvogur.net birti af Dagbjarti Sigurbrandssyni , nýkrýndum Íslandsmeistara í golfi, og við settum inn á FB-síðuna okkar. Svo virðist sem hróður Dagbjarts hafi borist út fyrir landsteinana því þónokkir útlendingar hafa yfir lýst ánægju sinni með myndbandið á FB-síðu okkar.. Dagbjartur er Grafarvogsbúi í húð og hár og ólst upp aðeins nokkur hundruð metra frá golfvellinum á Korpu. Það er því ekki ofsögum sagt að Korpan sé heimavöllur Íslandsmeistarans enda landaði hann titlinum eftirsótta með miklum glæsibrag á Korpunni. Sjá frétt okkar hér. En það er líka meira en lítið ánægjulegt fyrir Grafarvogur.net að yfir 65 þúsund manns hafi skoðað þetta myndband okkar af meistaranum - og sem fór á FB-síðu vefsins okkar. Svo sannarlega meistrasveifla. - JGH
Við náðum ágætu myndskeiði af Dagbjarti Sigurbrandssyni , Íslandsmeistara í golfi, þegar hann sló af teig inn á tólftu brautina á Korpu í dag. Þröng braut og trjágróður sitt hvorum megin þannig að það má lítið út af bera. Vel heppnað skot hjá meistaranum og sú hvíta rataði á réttan stað. - JGH
Dagbjartur Sigurbrandsson , Golfklúbbi Reykjavíkur, og Guðrún Brá Björgvinsdóttir , Golfklúbbnum Keili í Hafnarfirði, eru Íslandsmeistarar í golfi 2026. Íslandsmótinu lauk á Korpúlfsstaðavelli í dag, en bæði náðu þau að verja titil sinn frá síðasta ári. Þetta er í fyrsta skiptið frá árinu 1992 sem báðir titlarnir eru varðir. Glæsilegt. Við óskum þeim til hamingju með sigurinn. - JGH
Hulda Bjarnadóttir , forseti Golfsambands Íslands og forstöðumaður hjá Eimskip, lét sig að sjálfsögðu ekki vanta á Korpuna í dag til að fylgjast með lokahringnum á Íslandsmótinu. Hún var í sólskinsskapi og afar ánægð með gott Íslandsmót og frábæra umgjörð á Korpunni. Hulda var um árabil þekkt fjölmiðlakona en flutti sig um set til Marels fyrir nokkrum árum. Fyrr á þessu ári var hún ráðin til Eimskips sem forstöðumaður Menningar og miðlunar, nýrrar deildar á Mannauðs- og samskiptasviði Eimskips. Kjarnakona Hulda, skemmtileg og lífleg í fasi og öflugur leiðtogi Golfsambandsins. - JGH
Íslandsmótinu í golfi lauk í blíðskaparveðri á Korpuvelli GR í Grafarvoginum í dag. Völlurinn og umhverfi hans eru svo sannarlega borgarperla og einstakt útivistarsvæði. Dagbjartur Sigurbrandsson úr Golfklúbbi Reykjavíkur sigraði í karlaflokki og varði Íslandsmeistaratitil sinn frá því í fyrra. Það sama gerði Guðrún Brá Björgvinsdóttir úr Golfklúbbnum Keili í Hafnarfirði; hún sigraði í kvennaflokki. Glæsilegt hjá þeim. Það er mikil breidd í golfinu og mikill fjöldi hæfileikaríkra kylfinga. Að sjálfsögðu lá leið okkar á hverfismiðlinum, Grafarvogur.net, á Korpuna í dag. Hér kemur smá myndasyrpa frá heimsókn okkar. - JGH
Augu allra kylfinga á Íslandi beinast að Grafarvogi næstu daga en Íslandsmótið í golfi hefst á Korpuvelli Golfklúbbs Reykjavíkur á morgun. Völlurinn er sagður í mjög góðu ásigkomulagi. Keppnisdagar eru fjórir og lýkur keppninni síðdegis á sunnudag. Sýnt verður frá mótinu á RÚV. Alls eru 132 kylfingar skráðir til leiks, 92 í karlaflokki og 40 í kvennaflokki. Á meðal keppenda eru fremstu kylfingar landsins, atvinnukylfingar og tíu fyrrverandi Íslandsmeistarar í golfi. Sól skein í heiði þegar við litum við á Korpunni en rigningu er spáð á morgun þegar mótið verður sett. Straumur kylfinga verður í Grafarvoginn næstu daga. - JGH
AFREKSKONA! Við sögðum frá því á dögunum að Steinunn Sæmundsdóttir hefði sigrað í flokki 65 ára og eldri í nýliðnu meistaramóti Golfklúbbs Reykjavíkur. Ef til vill sakleysisleg frétt fyrir ýmsa en það er hins vegar fyllsta ástæða til að staldra við - hér fer þekkt og mikil afrekskona í golfi og á skíðum sem hefur keppt fyrir hönd Íslands í báðum greinum. Til að mynda keppt á skíðum á tvennum Vetrarólympíuleikum. Þá er hún drjúg í hestamennskunni líka. Á upphafsmyndinni, sem hinn kunni ljósmyndari, Einar Falur Ingólfsson tók, er hún að slá inn á flötina á 18. brautinni í Grafarholti árið 1988 þegar hún varð Íslandsmeistari í golfi eftir harða keppni við Karenu Sævarsdóttur, Golfklúbbi Suðurnesja. Steinunn varð einnig Íslandsmeistari tveimur árum áður, 1986.
