Það verður sannkallaður stjörnufans á árlegum stórtónleikum Lions í Grafarvogskirkju eftir rúman hálfan mánuð, fimmtudagskvöldið 12. nóvember. Miðasala er þegar komin á fullt skrið og er hægt að kaupa miða á tix.is Dísella, Gissur Páll, Hebbi, KK, Mugison, Páll Óskar og Rebekka Blöndal stíga á svið og gera kvöldið eftirminnilegt. Þetta verður eitthvað. Þetta er í 22. sinn sem Lionsklúbburinn Fjörgyn í Grafarvogi heldur þessa tónleika sem eru til styrktar BUGL ( Barna- og unglingageðdeild Landspítalans) og líknarsjóði klúbbsins - og hafa listamennirnir sem fram hafa komið í öll þessi ár gefið vinnu sína til að styrkja hið góða málefni.
Það verður sannkallaður stjörnufans á árlegum stórtónleikum Lions í Grafarvogskirkju eftir rúman hálfan mánuð, fimmtudagskvöldið 12. nóvember. Miðasala er þegar komin á fullt skrið og er hægt að kaupa miða á tix.is Dísella, Gissur Páll, Hebbi, KK, Mugison, Páll Óskar og Rebekka Blöndal stíga á svið og gera kvöldið eftirminnilegt. Þetta verður eitthvað. Þetta er í 22. sinn sem Lionsklúbburinn Fjörgyn í Grafarvogi heldur þessa tónleika sem eru til styrktar BUGL ( Barna- og unglingageðdeild Landspítalans) og líknarsjóði klúbbsins - og hafa listamennirnir sem fram hafa komið í öll þessi ár gefið vinnu sína til að styrkja hið góða málefni.
Það verður sannkallaður stjörnufans á árlegum stórtónleikum Lions í Grafarvogskirkju eftir rúman hálfan mánuð, fimmtudagskvöldið 12. nóvember. Miðasala er þegar komin á fullt skrið og er hægt að kaupa miða á tix.is Dísella, Gissur Páll, Hebbi, KK, Mugison, Páll Óskar og Rebekka Blöndal stíga á svið og gera kvöldið eftirminnilegt. Þetta verður eitthvað. Þetta er í 22. sinn sem Lionsklúbburinn Fjörgyn í Grafarvogi heldur þessa tónleika sem eru til styrktar BUGL ( Barna- og unglingageðdeild Landspítalans) og líknarsjóði klúbbsins - og hafa listamennirnir sem fram hafa komið í öll þessi ár gefið vinnu sína til að styrkja hið góða málefni.
Það verða hressilegir tónleikar í Grafarvogskirkju í hádeginu á morgun þegar kórar frá Íslandi (Borgarholtsskóla), Þýskalandi og Liechtenstein hefja upp raust sína og taka lagið. Þetta verður mikið tónflóð - svo sannarlega „sound of music“! Ætla verður að nemendur úr Borgarholtsskóla muni fjölmenna í kirkjuna í hádeginu og hlýða á kórana taka lagið. Auk kórs Borgarholtsskóla munu kórar nemenda frá Nordhorn Gymnasium , Þýskalandi, og Gymnasium Vaduz, Liechtenstein, stíga á stokk í kirkjunni og taka lagið.
Kirkjan ómaði öll af gleði, hátíðleika, háum sem lágum tónum og af slíku lófaklappi að lengi verður í minnum haft. Stórkostlegir tónleikar til minningar um þau séra Vigfús Þór Árnason og Elínu Pálsdóttur. Stórstjörnurnar Sigrún Hjálmtýsdóttir, Diddú, Gissur Páll Gissurarson, Jóhann Friðgeir Valdirmarsson og Óskar Pétursson fóru á kostum sem og kórarnir þrír sem komu fram; Frímúrarakórinn, Kór Grafarvogskirkju og Vox Populi. Tónleikarnir voru mjög vel sóttir og kynnir var séra Sigurður Arnarson. Allur ágóði af tónleikunum rennur til nýstofnaðs Hollvinasjóðs Grafarvogskirkju. Ógleymanleg kvöldstund - og andi þeirra hjóna sveif svo sannarlega yfir vötnum. Glæsilegt. - JGH
Það styttist í stórtónleikana í kirkjunni í kvöld en þeir hefjast klukkan átta og er hægt að verða sér úti um miða við innganginn í kirkjunni. Diddú, Gissur Páll, Jóhann Friðgeir og Matti Matt ásamt nokkrum kórum láta tónana fljót a. Þetta verður eitthvað. Tónleikarnir eru til minningar um þau eðalhjón Vigfús Þór Árnason og Elínu Pálsdóttur en þau létust með aðeins sex mánaða millibili á síðasta ári. Sérstök Vigfúsarstofa verður svo vígð á annarri hæð kirkjunnar fyrir tónleikana þar sem fjölskylda þeirra hjóna verða viðstödd í látlausri vígsluathöfn. Mætum öll og minnust þeirra hjóna um leið og við njótum söngs og tónlistar stórlistamanna í kirkjunni. Klukkan 20 - klukkan átta á eftir. - JGH
Vigfúsarstofa verður formlega vígð fyrir minningartónleikana á fimmtudag og mun fjölskylda séra Vigfúsar Þórs Árnasonar og Elínar Pálsdóttur verða viðstödd vígsluna. Það er mikill sómi að þessu hjá Grafarvogskirkju. Mikill áhugi er á tónleikunum og hefur miðasala farið vel af stað en allur ágóði rennur í nýstofnaðan Hollvinasjóð Grafarvogskirkju. Vigfús og Elín voru afar samrýmd hjón og létust með aðeins sex mánaða millibili á síðasta ári. Vigfúsarstofa er á annarri hæð kirkjunnar þar sem Lions-menn höfðu áður aðstöðu og er öll hin vistlegasta. Þarna eru munir sem voru á skrifstofu Vigfúsar á heimili þeirra hjóna við Logafoldina; nefna má bækur, bókaskápa, skrautmuni, altari, myndir og fleira mætti upp telja. Segja má að heimaskrifstofa Vigfúsar hafi verið flutt um set í hverfinu. „Okkur þykir mjög vænt um Vigfúsarstofu og finnst ánægjulegt að hún verði formlega vígð fyrir tónleikana til heiðurs þeim hjónum,“ segir Arna Ýrr Sigurðardóttir, sóknarprestur í Grafarvogi. „Stofan er vistleg og andi Vigfúsar er með okkur; við finnum það vel. Stofan er talsvert notuð, t.d. fyrir fundi sóknarnefndar sem og aðra fundi. Það eru góðir og notalegir straumar sem leika hér um salarkynni,“ segir Arna Ýrr.
Það verður falleg stund söngva, tóna og minninga í kirkjunni okkar í Grafarvogi nk. fimmtudagskvöld, 24. september, þegar minningartónleikar um þau heiðurshjón séra Vigfús Þór Árnason og Elínu Pálsdóttur verða haldnir. Mikill áhugi er á þessum tónleikum og hefur miðasala farið vel af stað. Hægt er að kaupa miða í kirkjunni á opnunartíma sem og verða miðar seldir við innganginn fyrir tónleikana - verði þá einhverjir miðar eftir. Stórskotalið söngvara mætir og heiðrar minningu þeirra hjóna með söng sínum. Þetta eru þau Sigrún Hjálmtýsdóttir, (Diddú), Gissur Páll Gissurarson, Jóhann Friðgeir Valdimarsson og Matthías Matthíasson . Þau Diddú, Gissur Páll og Jóhann Friðrik hafa margoft komið fram í kirkjunni og yljað okkur með söng sínum. Diddú og Gissur Páll voru til dæmis einsöngvarar við útför Elínar sl. haust. Stjórnendur tónleikanna verða Guðný Einarsdóttir, Lára Bryndís Eggertsdóttir og Jónas Þórir Þórsson en þær Guðný og Lára eru organistar kirkjunnar. Höldum minningu þeirra hjóna í heiðri og gefum okkur tíma og mætum á tónleikana. Þetta verður mikil og falleg stund. - JGH
