Svona flöggum við í Grafarvogi í dag í tilefni þess að HM í fótbolta hefst með leik Mexíkó og Suður-Afríku kl. 18:50 á RÚV 2. HM-stofan byrjar á RÚV kl. 18:00 og þar hita sérfræðingarnir upp fyrir veisluna. Og sá sem sér um að flagga í Grafarvoginum er auðvitað okkar maður við fánastöngina, hinn þekkti fánaáhugamaður Ólafur Sverrisson verkfræðingur. HM-leikirnir verða að þessu sinni meira og minna sýndir á RÚV 2 þannig að fréttir og hefðbundin sjónvarpsdagskrá RÚV raskast langt frá því jafn mikið og á undanförnum stórmótum. Hátíðardagur fyrir íþróttaáhugamenn því veislan er að hefjast. Keppt verður í þremur löndum; Bandaríkjunum, Mexíkó og Kanada. Úrslitaleikurinn verður í New York, hinn 19. júlí en 48 þjóðir taka þátt í mótinu að þessu sinni. - JGH
Svona flöggum við í Grafarvogi í dag í tilefni þess að HM í fótbolta hefst með leik Mexíkó og Suður-Afríku kl. 18:50 á RÚV 2. HM-stofan byrjar á RÚV kl. 18:00 og þar hita sérfræðingarnir upp fyrir veisluna. Og sá sem sér um að flagga í Grafarvoginum er auðvitað okkar maður við fánastöngina, hinn þekkti fánaáhugamaður Ólafur Sverrisson verkfræðingur. HM-leikirnir verða að þessu sinni meira og minna sýndir á RÚV 2 þannig að fréttir og hefðbundin sjónvarpsdagskrá RÚV raskast langt frá því jafn mikið og á undanförnum stórmótum. Hátíðardagur fyrir íþróttaáhugamenn því veislan er að hefjast. Keppt verður í þremur löndum; Bandaríkjunum, Mexíkó og Kanada. Úrslitaleikurinn verður í New York, hinn 19. júlí en 48 þjóðir taka þátt í mótinu að þessu sinni. - JGH
Hópur ungra manna var á tali við lögregluna á planinu við Spöngina í gærkvöldi. Ekki er svo sem vitað um umræðuefnið en vel virtist fara á með þeim og lögreglunni. Miklar sögur ganga núna um að nú sé jafnvel í „tísku“ hjá ungligum á rafhlaupahjólum að nota ekki hjálma. Það er slæm „tíska“! Eitthvað mun vera um að hluti af fermingarpeningum unglinga fari í að kaupa rafhlaupahjól. Um noktun rafhlaupahjóla gilda mjög strangar reglur og þar er enginn afsláttur gefinn af því að nota hjálma og sömuleiðis má hraðinn ekki fara upp fyrir 25 km. á klukkustund. Sjá hinar ströngu reglur hér
Við á Grafarvogur.net vöktum athygli á þvi í fyrrasumar að komin væri einhver ný tískulína sem fælist í að leyfa gróðrinum að vaxa villt. Jú, þetta var víst mótuð stefna sem sumum fannst stórkostleg en öðrum ekki. Og ekki nóg með það, það virtist engin regla á þessari óreglulegu villtu stefnu því sums staðar voru grasmanir slegnar af vandvirkni en annars staðar ekki. Það sama virðist vera uppi á teningnum núna. En er ekki við hæfi að endurskoða þessa villtu stefnu vinstrimeirihlutans núna þegar nýr meirihluti er kominn til valda og fylgir STRAX-línunni; þ.e. að vinda sér strax í verkin? Það er af nógu að taka í Grafarvogi. Til dæmis mætti byrja á þessari grasmön sem er orðin að illa hirtum móa við eina fjölförnustu götu hverfisins, Strandveginn, þar sem njólarnir eru ekki til yndisauka. Hvers vegna ekki að slá til - og það fyrir þjóðhátíðardaginn? - JGH
Björg Arna Elfarsdóttir er formaður Liverpool-klúbbsins á Íslandi og fyrsta konan til að gegna því embætti. Hún hefur farið um tuttugu sinnum á heimavöll Liverpool; Anfield og er alltaf jafn spennt þegar hún gengur inn á leikvanginn; musterið mikla. Hún er á sínu þriðja ári sem formaður Liverpool-klúbbsins á Íslandi og það er í nógu að snúast hjá klúbbnum sem stofnaður var 1994. Þegar Grafarvogur.net var á ferð á Anfield í apríl var hún fararstjóri í ferðinni og stóð sig vel; var öllum hnútum kunnug í Bítlaborginni. Þetta er skemmtilega saga. Hún spilaði körfubolta en segist hafa allt að því hatað fótbolta en sló til þegar henni var boðið í fótboltaferð á Anfield. Hún kolféll fyrir Liverpool og var á dögunum endurkjörin í kosningu formaður Liverpool-klúbbsins á Íslandi. Hún er 47 ára og alin upp í körftuboltabænum Stykkishólmi þar sem hún spilaði körfubolta frá 10 ára aldri. Hún segist hafa reynt fyrir sér í fótbolta eitt sumarið en lagði takkaskóna á hilluna í lok sumars. „Ég var svo léleg,“ segir hún og hlær.
Á göngu minni nýlega við Grafarvoginn hitti ég Örn Ómar Guðjónsson , nágranna minn hér í Hamrahverfinu og frumbýling við Gerðhamra 25, en gatan var valin fyrirmyndargata í Grafarvogi árið 2008. Í ljós kom að við höfðum unnið saman eitt sumar í byggingarvinnu sem unglingar. Skemmtileg tilviljun. Við erum báðir frumbýlingar í hverfinu og eðlilega barst talið að því hvernig þetta hefði verið í gamla daga þegar hverfið var að rísa, allir bösluðu og byggðu og fluttu nánast inn á nýmálaðan steininn í draumahúsunum sínum. Svo kláruðust híbýlin hægt og sígandi; með tíð og tíma. Strax-línan var ekki komin. - Heyrðu Jón, ég tók svolítið af myndum frá byggingartímanum sem fólk hefði kannski gaman af að skoða, sagði Örn Ómar. - Líst mér vel á það, svaraði ég að bragði. Árið var 1989 þegar fyrsta skóflustungan var tekin að grunni Gerðhamra 25. Lengi býr að fyrstu gerð. Grafarvogur í gamla daga; gjörið svo vel. - JGH
Eitt af síðustu verkum gamla meirihlutans í borginni var að flytja „byggð“ hjólhýsa og húsbíla frá Sævarhöfðanum yfir í Gufunesið. Sjá frétt Vísis hér. Reykjavíkurborg og forsvarsmenn óstofnaðs félags, Samtaka hjólahýsabúa , hafa skrifað undir afnotasamning þess efnis. Þetta kemur fram í fundargerð borgarráðs frá 16. apríl og var því með loka ákvörðunum gamla meirihlutans í borginni. Um er að ræða 3.900 fermetra landspildu í Gufunesi sem er á milli afnotasvæðis Skemmtigarðsins og íbúðabyggðar við Jöfursbás. Í frétt Vísis fyrir um viku segir að íbúar og forsvarsaðilar fyrirtækja á svæðinu hafi komið af fjöllum þegar að fréttastofa bar undir þau hvernig þeim litist á nýja staðsetningu hjólhýsabyggðarinnar. Hér fyrir neðan má sjá staðsetninguna sem hjólabúar hafa fengið afnot af.
Ef ekki sú besta, þá í hópi þeirra allra bestu. Það verð ég að segja um Unni Ösp Stefánsdóttur leikkonu. Hún er afbragðsgóð í verkinu og einleiknum Salka – ástin og dauðinn sem sýnt er í Sögulofti Landnámssetursins í Borgarnesi en Grafarvogur.net brá sér út fyrir bæjarlækinn sl. sunnudag til að sjá þessa frábæru sýningu. Verkið var frumsýnt í febrúar og hefur notið mikilla vinsælda og fara þær ekki dvínandi því uppselt var á báðar sýningarnar sl. sunnudag. Unnur Ösp Stefánsdóttir leikur og skrifar leikgerðina upp úr einu frægasta verki Halldórs Laxness; Sölku Völku , og leysir það sérlega vel af hendi. Sýningin er byggð á fyrri hluta Sölku Völku, Þú vínviður hreini. Tónlistaráhugi skáldsins kemur vel fram á sýningunni en hann hafði mikið dálæti á þýska tónskáldinu Jóhanni Sebastian Bach. Sagt er að Laxness hafi oft á tíðum skrifað með tónlist Bach lágstemmda á fóninum. Unnur Ösp er ekki alveg óvön því að vera ein á sviði og bregða sér í mismunandi hlutverk. Hún lék meðal annars í einleiknum Saknaðarilmi en þá leikgerð vann hún upp úr verkum Elísabetar Jökulsdóttur. Eiginmaður Unnar Aspar, Björn Thors , leikstýrir báðum einleikjunum. Leiksigur. - JGH
Hópur ungra manna var á tali við lögregluna á planinu við Spöngina í gærkvöldi. Ekki er svo sem vitað um umræðuefnið en vel virtist fara á með þeim og lögreglunni. Miklar sögur ganga núna um að nú sé jafnvel í „tísku“ hjá ungligum á rafhlaupahjólum að nota ekki hjálma. Það er slæm „tíska“! Eitthvað mun vera um að hluti af fermingarpeningum unglinga fari í að kaupa rafhlaupahjól. Um noktun rafhlaupahjóla gilda mjög strangar reglur og þar er enginn afsláttur gefinn af því að nota hjálma og sömuleiðis má hraðinn ekki fara upp fyrir 25 km. á klukkustund. Sjá hinar ströngu reglur hér
Við á Grafarvogur.net vöktum athygli á þvi í fyrrasumar að komin væri einhver ný tískulína sem fælist í að leyfa gróðrinum að vaxa villt. Jú, þetta var víst mótuð stefna sem sumum fannst stórkostleg en öðrum ekki. Og ekki nóg með það, það virtist engin regla á þessari óreglulegu villtu stefnu því sums staðar voru grasmanir slegnar af vandvirkni en annars staðar ekki. Það sama virðist vera uppi á teningnum núna. En er ekki við hæfi að endurskoða þessa villtu stefnu vinstrimeirihlutans núna þegar nýr meirihluti er kominn til valda og fylgir STRAX-línunni; þ.e. að vinda sér strax í verkin? Það er af nógu að taka í Grafarvogi. Til dæmis mætti byrja á þessari grasmön sem er orðin að illa hirtum móa við eina fjölförnustu götu hverfisins, Strandveginn, þar sem njólarnir eru ekki til yndisauka. Hvers vegna ekki að slá til - og það fyrir þjóðhátíðardaginn? - JGH
Björg Arna Elfarsdóttir er formaður Liverpool-klúbbsins á Íslandi og fyrsta konan til að gegna því embætti. Hún hefur farið um tuttugu sinnum á heimavöll Liverpool; Anfield og er alltaf jafn spennt þegar hún gengur inn á leikvanginn; musterið mikla. Hún er á sínu þriðja ári sem formaður Liverpool-klúbbsins á Íslandi og það er í nógu að snúast hjá klúbbnum sem stofnaður var 1994. Þegar Grafarvogur.net var á ferð á Anfield í apríl var hún fararstjóri í ferðinni og stóð sig vel; var öllum hnútum kunnug í Bítlaborginni. Þetta er skemmtilega saga. Hún spilaði körfubolta en segist hafa allt að því hatað fótbolta en sló til þegar henni var boðið í fótboltaferð á Anfield. Hún kolféll fyrir Liverpool og var á dögunum endurkjörin í kosningu formaður Liverpool-klúbbsins á Íslandi. Hún er 47 ára og alin upp í körftuboltabænum Stykkishólmi þar sem hún spilaði körfubolta frá 10 ára aldri. Hún segist hafa reynt fyrir sér í fótbolta eitt sumarið en lagði takkaskóna á hilluna í lok sumars. „Ég var svo léleg,“ segir hún og hlær.
Á göngu minni nýlega við Grafarvoginn hitti ég Örn Ómar Guðjónsson , nágranna minn hér í Hamrahverfinu og frumbýling við Gerðhamra 25, en gatan var valin fyrirmyndargata í Grafarvogi árið 2008. Í ljós kom að við höfðum unnið saman eitt sumar í byggingarvinnu sem unglingar. Skemmtileg tilviljun. Við erum báðir frumbýlingar í hverfinu og eðlilega barst talið að því hvernig þetta hefði verið í gamla daga þegar hverfið var að rísa, allir bösluðu og byggðu og fluttu nánast inn á nýmálaðan steininn í draumahúsunum sínum. Svo kláruðust híbýlin hægt og sígandi; með tíð og tíma. Strax-línan var ekki komin. - Heyrðu Jón, ég tók svolítið af myndum frá byggingartímanum sem fólk hefði kannski gaman af að skoða, sagði Örn Ómar. - Líst mér vel á það, svaraði ég að bragði. Árið var 1989 þegar fyrsta skóflustungan var tekin að grunni Gerðhamra 25. Lengi býr að fyrstu gerð. Grafarvogur í gamla daga; gjörið svo vel. - JGH
Eitt af síðustu verkum gamla meirihlutans í borginni var að flytja „byggð“ hjólhýsa og húsbíla frá Sævarhöfðanum yfir í Gufunesið. Sjá frétt Vísis hér. Reykjavíkurborg og forsvarsmenn óstofnaðs félags, Samtaka hjólahýsabúa , hafa skrifað undir afnotasamning þess efnis. Þetta kemur fram í fundargerð borgarráðs frá 16. apríl og var því með loka ákvörðunum gamla meirihlutans í borginni. Um er að ræða 3.900 fermetra landspildu í Gufunesi sem er á milli afnotasvæðis Skemmtigarðsins og íbúðabyggðar við Jöfursbás. Í frétt Vísis fyrir um viku segir að íbúar og forsvarsaðilar fyrirtækja á svæðinu hafi komið af fjöllum þegar að fréttastofa bar undir þau hvernig þeim litist á nýja staðsetningu hjólhýsabyggðarinnar. Hér fyrir neðan má sjá staðsetninguna sem hjólabúar hafa fengið afnot af.
Ef ekki sú besta, þá í hópi þeirra allra bestu. Það verð ég að segja um Unni Ösp Stefánsdóttur leikkonu. Hún er afbragðsgóð í verkinu og einleiknum Salka – ástin og dauðinn sem sýnt er í Sögulofti Landnámssetursins í Borgarnesi en Grafarvogur.net brá sér út fyrir bæjarlækinn sl. sunnudag til að sjá þessa frábæru sýningu. Verkið var frumsýnt í febrúar og hefur notið mikilla vinsælda og fara þær ekki dvínandi því uppselt var á báðar sýningarnar sl. sunnudag. Unnur Ösp Stefánsdóttir leikur og skrifar leikgerðina upp úr einu frægasta verki Halldórs Laxness; Sölku Völku , og leysir það sérlega vel af hendi. Sýningin er byggð á fyrri hluta Sölku Völku, Þú vínviður hreini. Tónlistaráhugi skáldsins kemur vel fram á sýningunni en hann hafði mikið dálæti á þýska tónskáldinu Jóhanni Sebastian Bach. Sagt er að Laxness hafi oft á tíðum skrifað með tónlist Bach lágstemmda á fóninum. Unnur Ösp er ekki alveg óvön því að vera ein á sviði og bregða sér í mismunandi hlutverk. Hún lék meðal annars í einleiknum Saknaðarilmi en þá leikgerð vann hún upp úr verkum Elísabetar Jökulsdóttur. Eiginmaður Unnar Aspar, Björn Thors , leikstýrir báðum einleikjunum. Leiksigur. - JGH
