Grafarvogsbúinn og jarðfræðingurinn, Ásta Þorleifsdóttir, birtir framúrskarandi mynd á FB-síðu sinni í dag í tilefni fyrsta vetrardags. Yfirskrift myndarinnar er einföld og góð: „ Fyrsti vetrardagur heilsar með frosti. “ Ásta hefur látið umhverfis- og skipulagsmál okkar Grafarvogsbúa sig mjög varða meðal annars um áhrif Sundabrautar á Blikastaðarkló og Leiruvog. Þá taka þær sig svo sannarlega vel út rósirnar sem hún ræktar og birtir annað slagið myndir af á FB-síðu sinni en hún er félagi í Róskaklúbbi Garðyrkjufélags Íslands. Meðfylgjandi myndir eru fengnar af FB-síðu hennar. - JGH
Grafarvogsbúinn og jarðfræðingurinn, Ásta Þorleifsdóttir, birtir framúrskarandi mynd á FB-síðu sinni í dag í tilefni fyrsta vetrardags. Yfirskrift myndarinnar er einföld og góð: „ Fyrsti vetrardagur heilsar með frosti. “ Ásta hefur látið umhverfis- og skipulagsmál okkar Grafarvogsbúa sig mjög varða meðal annars um áhrif Sundabrautar á Blikastaðarkló og Leiruvog. Þá taka þær sig svo sannarlega vel út rósirnar sem hún ræktar og birtir annað slagið myndir af á FB-síðu sinni en hún er félagi í Róskaklúbbi Garðyrkjufélags Íslands. Meðfylgjandi myndir eru fengnar af FB-síðu hennar. - JGH
Hinn kunni knattspyrnumaður, Ívar Ingimarsson, sem fluttur er alfarið í Grafarvoginn, hefur verið ráðinn aðstoðarþjálfari meistaraflokks Fjölnis í knattspyrnu. Hann var atvinnumaður í knattspyrnu á Englandi frá 1999 til 2012 og spilaði með Brentford, Wolverhampton Wonderes, (Úlfunum), Brighton, Reading og Ipswish Town. Allt þekkt lið í boltanum. Lengst af spilaði hann með Reading eða frá 2003 til 2011 eða áður en hann lauk ferlinum með Ipswish. Ívar er hér í stuttu spjalli við okkur á Grafarvogi.net og við byrjum vissulega á að spyrja hann um leikina sem hann spilaði með Reading gegn Man. United á sínum tíma þegar Christiano Ronaldo lék með liðinu. „Ég var nú fyrst og fremst mjög feginn að vera ekki bakvörður í þeim leikjum sem ég spilaði gegn Roaldo þar sem hann var á kantinum,“ segir Ívar sem spilaði bæði sem miðvörður og bakvörður. „Ég man þó sérstaklega eftir því í einum leiknum sem við spiluðum gegn Man Utd. var mér falið að hafa sérstakar gætur á Ronaldo og dekka hann í hornspyrnum. Það gekk nú ekkert sérstaklega vel, því hann var næstum búinn að skora tvisvar í byrjun þess leiks. Þá var ákveðið að taka mig af Ronaldo og láta mig dekka Rio Ferdinand í staðinn. Það var svona svolítið eins og að fara úr öskunni í eldinn. En þetta gekk samt allt ágætlega á endanum og þetta voru allt hörkuleikir hjá Reading á móti Ronaldo og Man Utd.“
Helgi Árnason, skákfrömuður og formaður Skákdeildar Fjölnis, sótti í hinn góða frasa íslenska landsliðsins í handbolta á Ólympíuleikunum í Kína frá árinu 2008 þegar hann sagði skemmtilega frá því að skáksveit Fjölnis hefði lent í 2. sæti á fjölmennu Íslandsmóti barna-og unglingasveita sem fram fór í íþróttahúsinu Miðgarði í Garðarbæ um helgina: „ Gott silfur - gulli betra,“ skrifaði Helgi á sinn jákvæða og uppbyggilega hátt. Íslenska landsliðið í handbolta varð í öðru sæti á ÓL í Peking og þá varð þessi frasi til og rætt um silfurliðið og silfurdrengina sem raunverulega gulldrengi. Gerð var heimildarmynd um árangur liðsins og var hún frumsýnd 2009 og hét þá einmitt: Gott silfur - gulli betra. En hvað um það, börnin og unglingarnir í Fjölni eru snillingar í skákinni og lentu öðru sæti á mótinu sl. sunnudag; tóku gott og gljáfægt silfrið !
Miðað við viðbrögð Grafarvogsbúa á samfélagsmiðlum í gær við fréttum um hugmyndir Reita um mikla uppbyggingu í Spönginni stefnir í að Spöngin verði heitur reitur hjá Reitum og Grafarvogsbúum á næstunni. Skoðanir virðast mjög skiptar. Margir lýstu ánægju sinni með tillögurnar en aðir voru mjög á móti þeim. Kynnt var könnun Reita í Morgunblaðinu í gær sem sýndi velvilja Grafarvogsbúa við mikla uppbyggingu í Spönginni en Reitir íhuga að byggja þar fjölda íbúða þótt í Morgunblaðinu í gær segði að endanlegur fjöldi þeirra lægi ekki fyrir. Sjá mátti vangaveltur um þessa könnun á samfélagsmiðlum í gær og höfðu einhverjir á orði að fróðlegt væri að vita hvernig úrtakið hefði verið valið; þ.e. hverjir hefðu verið spurðir.
Íbúar við Vættaborgir óttast að missa sólargeislana og lenda í skugga verði af byltingarkenndum hugmyndum Reita um stækkun á Spönginni með háum byggingum. Þetta kom glöggt fram á íbúafundinum með Heiðu Björg Hilmisdóttur, fráfarandi borgarstjóra, á íbúafundi á Bókasafni Grafarvogs hinn 10. febrúar sl. og Grafarvogur.net flutti ítarlegar fréttir af. Þetta mátti líka lesa í ýmsum athugasemdum í gær við fréttum okkar af tillögu Reita að nýju deiliskipulagi sem unnin var í samstarfi við dönsku arkitektastofuna Henning Larsen og Morgunblaðið sagði fyrst frá og ítarlega í gærdag. Stóra spurningin fyrir íbúana er sú hversu mikið verslanir Hagkaups og Bónus (sem verða hlið við hlið) muni hækka eftir uppbygginguna og hvort þeir þurfi eitthvað að óttast skuggamyndun. Við fyrstu sýn virðast tillögurnar ekki gera ráð fyrir mikill hækkun Spangarinnar norðan megin. Fjallað var um tillöguna á fundi umhverfis- og skipulagsráðs Reykjavíkurborgar á dögunum og samkvæmt Morgunblaðinu var vel tekið í hana af núverandi meirihluta og þess fyrrverandi. Samhljómur þar! Það fer hins vegar ekki á milli mála að íbúarnir við Vættarborgir óttast að missa sunnansólina eftir breytingarnar. Þetta mun allt skýrast betur þegar tillögurnar verða kynntar á næstu vikum.
Við höldum áfram að segja fréttir af íbúafundinum með Heiðu Björgu Hilmisdóttur, fyrrverandi borgarstjóra, á Bókasafninu í Grafarvogi hinn 10. febrúar sl. En fundarmönnum var mjög heitt í hamsi þegar umræðan barst að tillögum Reita, sem kynntar höfðu verið á heimasíðu félagsins, um Spöngina. Einn fundarmanna, Trausti Harðarson , íbúi í Grafarvogi, lét mjög til sín taka á fundinum um Spöngina og spurði Heiðu hvort girða ætti Spöngina af og búa til eins konar virki um hana, svo byltingarkenndar væru hugmyndir Reita. Stóra málið á fundinum var samt það hvort verið væri að lauma inn fjölda nýrra íbúða í Grafarvoginn, bakdyramegin í gegnum Reiti, á sama tíma og meirihlutinn (fyrrv. meirihluti) segðist hættur við öll áform um þéttingu byggðar og ætlaði að láta málið í hendurnar á nýjum meirihluta sem yrði myndaður eftir kosningar.
Ólöf Örvarsdóttir, sviðsstjóri umhverfis- og skipulagssviðs , fékk orðið á fundinum á Bókasafninu í febrúar og kom Heiðu borgarstjóra til aðstoðar varðandi umræðuna um Spöngina. Og sagði samkvæmt frétt okkar á Grafarvogur.net af fundinum: „ Það er fasteignafélagið Reitir sem eiga Spöngina og hafa hug á því að bæta við hana og komu til máls um það við borgina og skrifað var undir viljayfirlýsingu; uppbyggingarsamkomulag. Það sem við gerum svo er að vinna og gera skipulagslýsingu að breytingu að ósk þeirra. Þessi skipulagslýsing fer í samráðsgátt. Svo hefst deiliskipulagið sem fer líka í samráðsgátt. Þetta verður ekki grenndarkynning heldur auglýst og hagaðilum sem búa næst Spönginni verður sent bréf. Þannig að þetta er bara fyrsta skrefið. Þetta er tillaga komin frá Reitum sem eru lóða- og fasteignaeigendur á svæðinu og okkur ber að taka ósk þeirra til stjórnsýslulegrar meðferðar, “ sagði Ólöf. HAFIÐ ÞIÐ EKKERT LÆRT AF GRÆNA GÍMALDINU? Fundargestur reis þá upp og sagði: „ Hafið þið ekkert lært af Græna gímaldinu sem þið byggðuð í Breiðholti. Ég bý í blokk við Spöngina og við komum til með að missa allt sólarljós við þær tillögur sem hafa verið kynntar. Mér líst ekkert á þetta .“ Þá svaraði Ólöf : „ Það er ekki rétt í þessu tilviki, það liggja ekki fyrir neinar endarlegar tillögur. Reitir eru með ósk um að byggja upp og svo gerum við skipulagslýsingu þar sem fram koma allar forsendur og síðan fer þetta í lögbundið samráð. Ég lofa þér því að þetta mun ekki fara fram hjá þér .“ - Það er búið að teikna þessar tillögur Reita! - greip þá fundargesturinn inn í „ og kynna þær með teikningum. “ „ Ég get ekki ábyrgst það sem Reitir gera. Auðvitað skoða Reitir tækifæri eins og öll önnur fasteignaþróunarfélög gera ,“ bætti Ólöf við. „ Verður þetta samt ekki allt á forsendum þeirra ,“ svaraði þá fyrirspyrjandi. Þetta var kjarninn í umræðunni um Spöngina á fundinum og stækkun hennar. - JGH
Hinn kunni knattspyrnumaður, Ívar Ingimarsson, sem fluttur er alfarið í Grafarvoginn, hefur verið ráðinn aðstoðarþjálfari meistaraflokks Fjölnis í knattspyrnu. Hann var atvinnumaður í knattspyrnu á Englandi frá 1999 til 2012 og spilaði með Brentford, Wolverhampton Wonderes, (Úlfunum), Brighton, Reading og Ipswish Town. Allt þekkt lið í boltanum. Lengst af spilaði hann með Reading eða frá 2003 til 2011 eða áður en hann lauk ferlinum með Ipswish. Ívar er hér í stuttu spjalli við okkur á Grafarvogi.net og við byrjum vissulega á að spyrja hann um leikina sem hann spilaði með Reading gegn Man. United á sínum tíma þegar Christiano Ronaldo lék með liðinu. „Ég var nú fyrst og fremst mjög feginn að vera ekki bakvörður í þeim leikjum sem ég spilaði gegn Roaldo þar sem hann var á kantinum,“ segir Ívar sem spilaði bæði sem miðvörður og bakvörður. „Ég man þó sérstaklega eftir því í einum leiknum sem við spiluðum gegn Man Utd. var mér falið að hafa sérstakar gætur á Ronaldo og dekka hann í hornspyrnum. Það gekk nú ekkert sérstaklega vel, því hann var næstum búinn að skora tvisvar í byrjun þess leiks. Þá var ákveðið að taka mig af Ronaldo og láta mig dekka Rio Ferdinand í staðinn. Það var svona svolítið eins og að fara úr öskunni í eldinn. En þetta gekk samt allt ágætlega á endanum og þetta voru allt hörkuleikir hjá Reading á móti Ronaldo og Man Utd.“
Helgi Árnason, skákfrömuður og formaður Skákdeildar Fjölnis, sótti í hinn góða frasa íslenska landsliðsins í handbolta á Ólympíuleikunum í Kína frá árinu 2008 þegar hann sagði skemmtilega frá því að skáksveit Fjölnis hefði lent í 2. sæti á fjölmennu Íslandsmóti barna-og unglingasveita sem fram fór í íþróttahúsinu Miðgarði í Garðarbæ um helgina: „ Gott silfur - gulli betra,“ skrifaði Helgi á sinn jákvæða og uppbyggilega hátt. Íslenska landsliðið í handbolta varð í öðru sæti á ÓL í Peking og þá varð þessi frasi til og rætt um silfurliðið og silfurdrengina sem raunverulega gulldrengi. Gerð var heimildarmynd um árangur liðsins og var hún frumsýnd 2009 og hét þá einmitt: Gott silfur - gulli betra. En hvað um það, börnin og unglingarnir í Fjölni eru snillingar í skákinni og lentu öðru sæti á mótinu sl. sunnudag; tóku gott og gljáfægt silfrið !
Miðað við viðbrögð Grafarvogsbúa á samfélagsmiðlum í gær við fréttum um hugmyndir Reita um mikla uppbyggingu í Spönginni stefnir í að Spöngin verði heitur reitur hjá Reitum og Grafarvogsbúum á næstunni. Skoðanir virðast mjög skiptar. Margir lýstu ánægju sinni með tillögurnar en aðir voru mjög á móti þeim. Kynnt var könnun Reita í Morgunblaðinu í gær sem sýndi velvilja Grafarvogsbúa við mikla uppbyggingu í Spönginni en Reitir íhuga að byggja þar fjölda íbúða þótt í Morgunblaðinu í gær segði að endanlegur fjöldi þeirra lægi ekki fyrir. Sjá mátti vangaveltur um þessa könnun á samfélagsmiðlum í gær og höfðu einhverjir á orði að fróðlegt væri að vita hvernig úrtakið hefði verið valið; þ.e. hverjir hefðu verið spurðir.
Íbúar við Vættaborgir óttast að missa sólargeislana og lenda í skugga verði af byltingarkenndum hugmyndum Reita um stækkun á Spönginni með háum byggingum. Þetta kom glöggt fram á íbúafundinum með Heiðu Björg Hilmisdóttur, fráfarandi borgarstjóra, á íbúafundi á Bókasafni Grafarvogs hinn 10. febrúar sl. og Grafarvogur.net flutti ítarlegar fréttir af. Þetta mátti líka lesa í ýmsum athugasemdum í gær við fréttum okkar af tillögu Reita að nýju deiliskipulagi sem unnin var í samstarfi við dönsku arkitektastofuna Henning Larsen og Morgunblaðið sagði fyrst frá og ítarlega í gærdag. Stóra spurningin fyrir íbúana er sú hversu mikið verslanir Hagkaups og Bónus (sem verða hlið við hlið) muni hækka eftir uppbygginguna og hvort þeir þurfi eitthvað að óttast skuggamyndun. Við fyrstu sýn virðast tillögurnar ekki gera ráð fyrir mikill hækkun Spangarinnar norðan megin. Fjallað var um tillöguna á fundi umhverfis- og skipulagsráðs Reykjavíkurborgar á dögunum og samkvæmt Morgunblaðinu var vel tekið í hana af núverandi meirihluta og þess fyrrverandi. Samhljómur þar! Það fer hins vegar ekki á milli mála að íbúarnir við Vættarborgir óttast að missa sunnansólina eftir breytingarnar. Þetta mun allt skýrast betur þegar tillögurnar verða kynntar á næstu vikum.
Við höldum áfram að segja fréttir af íbúafundinum með Heiðu Björgu Hilmisdóttur, fyrrverandi borgarstjóra, á Bókasafninu í Grafarvogi hinn 10. febrúar sl. En fundarmönnum var mjög heitt í hamsi þegar umræðan barst að tillögum Reita, sem kynntar höfðu verið á heimasíðu félagsins, um Spöngina. Einn fundarmanna, Trausti Harðarson , íbúi í Grafarvogi, lét mjög til sín taka á fundinum um Spöngina og spurði Heiðu hvort girða ætti Spöngina af og búa til eins konar virki um hana, svo byltingarkenndar væru hugmyndir Reita. Stóra málið á fundinum var samt það hvort verið væri að lauma inn fjölda nýrra íbúða í Grafarvoginn, bakdyramegin í gegnum Reiti, á sama tíma og meirihlutinn (fyrrv. meirihluti) segðist hættur við öll áform um þéttingu byggðar og ætlaði að láta málið í hendurnar á nýjum meirihluta sem yrði myndaður eftir kosningar.
Ólöf Örvarsdóttir, sviðsstjóri umhverfis- og skipulagssviðs , fékk orðið á fundinum á Bókasafninu í febrúar og kom Heiðu borgarstjóra til aðstoðar varðandi umræðuna um Spöngina. Og sagði samkvæmt frétt okkar á Grafarvogur.net af fundinum: „ Það er fasteignafélagið Reitir sem eiga Spöngina og hafa hug á því að bæta við hana og komu til máls um það við borgina og skrifað var undir viljayfirlýsingu; uppbyggingarsamkomulag. Það sem við gerum svo er að vinna og gera skipulagslýsingu að breytingu að ósk þeirra. Þessi skipulagslýsing fer í samráðsgátt. Svo hefst deiliskipulagið sem fer líka í samráðsgátt. Þetta verður ekki grenndarkynning heldur auglýst og hagaðilum sem búa næst Spönginni verður sent bréf. Þannig að þetta er bara fyrsta skrefið. Þetta er tillaga komin frá Reitum sem eru lóða- og fasteignaeigendur á svæðinu og okkur ber að taka ósk þeirra til stjórnsýslulegrar meðferðar, “ sagði Ólöf. HAFIÐ ÞIÐ EKKERT LÆRT AF GRÆNA GÍMALDINU? Fundargestur reis þá upp og sagði: „ Hafið þið ekkert lært af Græna gímaldinu sem þið byggðuð í Breiðholti. Ég bý í blokk við Spöngina og við komum til með að missa allt sólarljós við þær tillögur sem hafa verið kynntar. Mér líst ekkert á þetta .“ Þá svaraði Ólöf : „ Það er ekki rétt í þessu tilviki, það liggja ekki fyrir neinar endarlegar tillögur. Reitir eru með ósk um að byggja upp og svo gerum við skipulagslýsingu þar sem fram koma allar forsendur og síðan fer þetta í lögbundið samráð. Ég lofa þér því að þetta mun ekki fara fram hjá þér .“ - Það er búið að teikna þessar tillögur Reita! - greip þá fundargesturinn inn í „ og kynna þær með teikningum. “ „ Ég get ekki ábyrgst það sem Reitir gera. Auðvitað skoða Reitir tækifæri eins og öll önnur fasteignaþróunarfélög gera ,“ bætti Ólöf við. „ Verður þetta samt ekki allt á forsendum þeirra ,“ svaraði þá fyrirspyrjandi. Þetta var kjarninn í umræðunni um Spöngina á fundinum og stækkun hennar. - JGH
