Það hefur saxast á skaflinn í Gunnlaugsskarði. Hverfur hann innan tíðar?

Við höfum verið dugleg að fylgjast með skaflinum í Gunnlaugsskarði í Esjunni og birtar myndir af honum - og auðvitað velt því fyrir okkur hvort og hvenær hann hverfi þetta árið.

Það hefur saxast verulega á hann í hitanum að undanförnu en skaflinn er góðu mælikvarði um veðurlag á hverju sumri; eins konar loftslagsvísir. Sjá frétt okkar frá 1. ágúst.

Þessa mynd tókum við í gærkvöldi og hann á ekki mikið eftir - að okkar mati.

Verður hugsanlega horfinn í lok næstu viku. - JGH