Vorið er komið og þá hefjast víða framkvæmdir - og hríslast í hrúgur

Vorið er komið - þó kalt sé - og þá hefjast víða framkvæmdir utandyra á heimilum. Þá er það blessaður garðurinn. Þar hríslast víða í hrúgur og um mann í leiðinni.

Á morgungöngunni í morgun rakst ég á þessa kröftugu menn frá Íslenskum aðalverktökum, ÍAV, að grafa af mikilli nákvæmni í innkeyrslu. Grafan var nett og ég dáðist að því hvað þetta var gert af mikilli fagmennsku.

Ekki spurðist ég fyrir um hvað þarna væri í gangi - en ætli ekki einhver rör og pípulagnir komi við sögu; mér sýndist það.

Þurfti ekki að vita meira - JGH