Vagandi göngulag - kvöldrúntur hjá þessari fjölskyldu á Ártúnshöfða. Ekkert liggur á!
Þær létu sér fátt um finnast um umferðarniðinn á gatnamótum Breiðhöfða og Stórhöfða á Ártúnshöfða í kvöld.
Pollrólegar gengu þær yfir Breiðhöfðann í átt að nýbyggingunum þótt nokkur umferð væri um Stórhöfðann.
Alveg sama.
Hvað liggur eiginlega á?
Þetta er okkar kvöldganga og enginn skjátími eins og hjá mannfólkinu á kvöldin.
Við höfum okkar vagandi göngulag.
Með einu gé-i.
Vagga og velta - það er rokk og ról.
Gæsagangurinn er hægari og það eru minni læti.
Er ekki allt í lagi að vaga svolítið í göngulaginu?
Þetta er nú einu sinni kvöldganga og allir slakir - ekki satt? - JGH
Umferðarniður? Hvað er nú það? Við eigum réttinn þótt þetta sé ekki merkt gangbraut.
Allt í röð og reglu hjá fjölskyldunni. Við höldum okkar striki yfir í nýbyggingarhverfið á Höfðanum.
Gæsagangur og vagandi göngulag. Sko, við erum komnar yfir með okkar lagi; göngulagi.
Fjöllan í kvöldgöngu og kemst þó hægt fari. Engan æsing.
