Pikkoló verður við Olís í Grafarvoginum. Skúrinn kominn og máltíðir innan skamms

Hvaða brúni skúr er þetta eiginlega sem búið er að koma fyrir við Olís við Gullinbrú í Grafarvoginum?

Jú, hann er hluti af nýju matarmenningunni. Þetta er Pikkoló-stöð! Kæld afhendingarstöð fyrir matvörur.

Pikkolo.is er vefsíða og þjónusta sem hjálpar fólki að nálgast ferskar mat- og dagvörur í nærumhverfi sínu á einfaldan og umhverfisvænan hátt.

Þar segir: „Þú einfaldlega verslar þínar uppáhalds ferskvörur á netinu - Velur þína næstu Pikkoló-stöð sem afhendingarstað og við sjáum um restina!“ 

Núna rekur Pikkoló 5 kældar afhendingastöðvar á höfuðborgarsvæðinu en fleiri eru að bætast við, eins og þessi við Olís við Gullinbrú.

Fyrir okkur gamlingjana er þetta nýjung.

Ég las þetta raunar fyrst sem pikkaló sem merkir vikapiltur á hótelum.

Þeir voru vinsælir á hótelum hér á landi í den. Sáum um töskunar og ýmsa snúninga.

Núna sér maður þá aðallega á hótelum erlendis - eða bara í bíómyndum. - JGH