Tvö umferðarslys við sömu gatnamótin í Bryggjuhverfi með skömmu millibili

Tvö umferðarslys hafa orðið með skömmu millibili í Bryggjuhverfinu að undanförnu, skv. innslagi íbúa á FB-síðu Íbúasamtaka Bryggjuhverfisins.

Bæði slysin hafa orðið við gatnamót Tangabryggju og Sævarhöfða.

Í fyrra skiptið var ekið á hjólreiðarmann og í hinu slysinu slasaðist maður á hlaupahjóli.

Mikil umferð er um Sævarhöfðann og hraðinn þar oft verulegur. Það er aldrei of varlega farið og verða bæði ökumenn og hjólreiðamenn að hafa varann á sér.

Fjöldi hjólreiðamanna úr Grafarvogi fer þarna um á degi hverjum á leið til og frá vinnu. - JGH