Til hamingju Færeyingar! Að sjálfsögðu flaggaði Ólafur í Grafarvogi fyrir Ólafsvökunni

Þjóðhátíðardagu Færeyinga er í dag, 29. júlí en hann er dánardagur Ólafs konungs Haraldssonar og kenndur við hann sem og hátíðarhöldin í Færeyjum sem hefjast jafnan á þessum degi ár hvert, sjálf Ólafsvakan.

Margvísleg skemmtun fer fram á Ólafsvökunni.

Þess má geta að 29. júlí er færeyska lögþingið jafnan sett á ári hverju.

Að sjálfsögðu var færeyski fáninn dreginn að húni í Grafarvogi í tilefni dagsins og Ólafsvökunni af Ólafi Sverrissyni, verkfræðingi og umtöluðum fánaáhugamanni í Hamrahverfinu.

Þjóðfáni Færeyja nefnist Merkið og var hannaður af færeyskum námsmönnum í Kaupmannahöfn. Hann var dreginn að húni í fyrsta sinn í Færeyjum árið 1919.

Til hamingju Færeyingar!  - JGH