Svona flöggum við í Grafarvogi í dag. Fyrsti leikurinn á HM er Mexíkó gegn Suður-Afríku

Svona flöggum við í Grafarvogi í dag í tilefni þess að HM í fótbolta hefst með leik Mexíkó og Suður-Afríku kl. 18:50 á RÚV 2.

HM-stofan byrjar á RÚV kl. 18:00 og þar hita sérfræðingarnir upp fyrir veisluna.

Og sá sem sér um að flagga í Grafarvoginum er auðvitað okkar maður við fánastöngina, hinn þekkti fánaáhugamaður Ólafur Sverrisson verkfræðingur.

HM-leikirnir verða að þessu sinni meira og minna sýndir á RÚV 2 þannig að fréttir og hefðbundin sjónvarpsdagskrá RÚV raskast langt frá því jafn mikið og á undanförnum stórmótum.

Hátíðardagur fyrir íþróttaáhugamenn því veislan er að hefjast.

Keppt verður í þremur löndum; Bandaríkjunum, Mexíkó og Kanada.

Úrslitaleikurinn verður í New York, hinn 19. júlí en 48 þjóðir taka þátt í mótinu að þessu sinni. - JGH