Robert Horry með fyrirlestur kl. 17 í dag, föstudag, í einum sal Sambíóanna í Egilshöll

Það verður svo sannarlega stemning í einum sal Sambíóanna í dag, föstudag kl. 17, þegar NBA-körfuboltastjarnan Robert Horry flytur þar fyrirlestur og situr fyrir svörum.

Enn er hægt að tryggja sér miða á þennan viðburð en Robert Horry varð sjö sinnum NBA-meistari í körfubolta, þar af þrisvar sinnum með LA Lakers.

Mikill áhugi er á fyrirlestrinum en að sögn Fjölnismanna er enn hægt að tryggja sér miða á Abler.

Robert Horry er hér á landi þessa dagana á Elite Camp í Egilshöllinni og leiðbeinir og kennir börnum og unglingum grunnstefin í þessari vinsælu íþrótt. - JGH