Og það var Ljós og verður nýtt ljós! Gamli staurinn fékk að finna fyrir því við Gufunesveg!
Það var Ljós Tvistar sem sáu um að setja upp nýjan ljósastaur við fjölförnustu og umdeildustu gatnamótin í Grafarvogi í gær.
Við erum auðvitað að tala um gatnamót Gufunesvegar, Strandvegar og Rimaflatar.
Gamli staurinn við Gufunesveginn fékk að finna fyrir því og var ekinn niður - af hverjum vitum við ekki.
En þarna fara tröllvaxin flutningatæki oftar en ekki um á hverjum degi og beygjan er þröng fyrir tröllin.
„Er ekki kominn tími til að tengja?“ segir í vinsælu lagi Skriðjökla.
Það var verið að vinna í því þegar við áttum leið þarna um í hádeginu í gær.
Verði ljós og það verður nýtt ljós - sem og nýtt umferðarljós á staurinn. - JGH
Ljós Tvistar stóð á hurðinni.
Gamli staurinn fékk að finna fyrir því en þessi gatnamót eru sérlega þröng fyrir þau risavöxnu flutningatæki sem eiga þarna leið um daglega.
