Nýjar merkingar á brúnni við Höfðabakka valda ruglingi og stuðla að aukinni hættu
Við á Grafarvogi.net höfum fengið fjölda ábendinga að undanförnu um að nýjar merkingar á Höfðabakkabrúnni valdi usla og stuðli að aukinni hættu í umferðinni.
Þetta er beygjuakreinin á brúnni þegar tekin er vinstri beygja inná Höfðabakkann á leið niður í Grafarvoginn.
Nýju merkingarnar - punktalínurnar í götunni - eru þannig að umferð á hægri akreininni er beint inn á miðjuna á Höfðabakkanum en sú til vinstri inn á beygjuakreinina inn á Bíldshöfðann.
Fólk spyr eðlilega hvort ekki hefði verið nær að hafa merkingarnar þannig að hægri akreinin færi inn á þá sem er lengst til hægri á Höfðabakkanum og sú vinstri lægi inn á miðakreinina.
Þetta eru þarfar ábendingar!
Við mættum á svæðið í dag og mynduðum.
Við erum sammála. Þetta eru ekki hreinar línur!
Þær valda ruglingi; það eru hreinar línur. - JGH
Grafarvogsbúar eru ekki sáttir við nýju merkingarnar á Höfðabakkabrúnni og telja að þær valdi slysahættu.
Umferðinni á vinstri akreininni er beint inn á beygjuakreinina inn á Bíldshöfða en ekki inn á miðakreinina á Höfðabakkanum.
Það eru hreinar línur að þær valda ruglingi.
Umferðinni á hægri akreininni er beint inn á miðjuna á Höfðabakkanum.
Þetta síðasta myndband er frá einum af þúsundum dyggra lesenda okkar.
