Kjördagur er hátíðisdagur - kosið á þremur stöðum í Grafarvogi. Mikil kjörsókn!

Kjördagar eru alltaf hátíðisdagar og við eigum svo sannarlega að bera virðingu fyrir þeim því á þessum dögum birtist lýðræðið okkur í sinni bestu mynd.

Í þjóðaratkvæðagreiðslunni i dag er kosið um það hvort við Íslendingar viljum hefja aðildarviðræður við Evrópusambandið á ný. Tveir kostir eru í boði: Já og Nei.

Kjörstaðir eru þrír í Grafarvogi. Borgaskóli, Rimaskóli og Foldaskóli.

Þegar Grafarvogur.net var á ferðinni fyrir utan kjörstaðina í dag var mikil umferð í kringum þá og áhugi á kosningunum sýnist meiri en gengur og gerist í alþingiskosningum.

Fallegt og gott veður skemmir heldur ekki fyrir og eykur væntanlega á kosningaþátttökuna.

Raunar er alltaf gott veður í Grafarvoginum - ekki satt?

Bara misgott!  - JGH