Íslandsmótið í golfi hefst á morgun í Grafarvogi. Korpan í mjög góðu standi

Augu allra kylfinga á Íslandi beinast að Grafarvogi næstu daga en Íslandsmótið í golfi hefst á Korpuvelli Golfklúbbs Reykjavíkur á morgun. Völlurinn er sagður í mjög góðu ásigkomulagi.

Keppnisdagar eru fjórir og lýkur keppninni síðdegis á sunnudag. Sýnt verður frá mótinu á RÚV.

Alls eru 132 kylfingar skráðir til leiks, 92 í karlaflokki og 40 í kvennaflokki. Á meðal keppenda eru fremstu kylfingar landsins, atvinnukylfingar og tíu fyrrverandi Íslandsmeistarar í golfi.

Sól skein í heiði þegar við litum við á Korpunni en rigningu er spáð á morgun þegar mótið verður sett.

Straumur kylfinga verður í Grafarvoginn næstu daga. - JGH