Gullinbrú lokuð út úr hverfinu en straumurinn mikill úr Grafarvogi - dagur íslenskrar náttúru
Þrátt fyrir að Gullinbrú væri lokuð fyrir allri umferð úr hverfinu í gærdag vegna malbikunarframkvæmda var mikill straumur úr Grafarvogi; að vísu ekki um brúna heldur undir brúnni.
Svo við leikum okkur aðeins með þetta.
Vorum þarna á ferð við brúna eftir hádegi í gær til að fylgjast með framkvæmdum.
Vogurinn okkar skartaði sínu fegursta og það var gaman að fylgjast með útfallinu - þegar það fjaraði og sjórinn dróst hratt til baka úr voginum.
Mikil náttúrufegurð.
Það fer vel á því á því að birta þessa fegurð við voginn í dag; á Degi íslenskrar náttúru.
En hann er haldinn á fæðingardegi Ómars Ragnarssonar, hins mikla náttúruunnanda. - JGH
Straumurinn lá úr Grafarvogi í gærdag en í dag er Dagur íslenskrar náttúru.
Útfallið kröftugt.
Niður náttúrunnar undir Gullinbrú.
Dagur íslenskrar náttúru er í dag, 16. september, á fæðingardegi Ómars Ragnarssonar, fréttamanns og náttúruunnanda.
