Leiðin út úr Hamrahverfinu var kolstífluð um miðjan dag vegna lokunar Gullinbrúar

Það urðu eðlilega víða umferðartafir í Grafarvoginum í dag vegna malbikunarframkvæmdanna á Gullinbrú en þær stóðu yfir frá átta í morgun og fram eftir degi.

Til stóð að þeim yrði lokið klukkan fjögur en töf varð á opnun Gullinbrúarinnar.

Því gerðist það um klukkan fjögur - þegar talsverð umferð er í hverfinu vegna leikskólanna - að allt kolstíflaðist í Hamrahverfinu.

Að mati þeirra íbúa sem hafa búið lengst í hverfinu hefur svona umferðarstífla ekki sést áður.

En einu sinni er allt fyrst.

Gullinbrúin var síðan opnuð aftur fyrir umferð þegar liðið var talsvert á fimmta tímann og þá leystist úr flækjunni. - JGH