Gullinbrú bikuð í bongóblíðu Magga Kjartans
Það hefur ekki farið framhjá okkur Grafarvogsbúum að helsta samgönguæð okkar út úr borginni, Gullinbrú, hefur verið lokuð í dag vegna malbikunarframkvæmda.
Sannast sagna dáist maður að því hvernig þetta er tekið í einum áfanga frá gatnamótum Fjallkonuvegar og upp að Stórhöfða. Vel gert.
Það hefur verið mikil bongóblíða í borginni í dag og viðrað vel til að bika.
Við settum hér í fyrirsögn Bikað í bongóblíðu Magga Kjartans.
Það kemur til af því að samkvæmt Vísindavef Háskóla Íslands kom orðið bongóblíða fyrst fyrir í laginu Sólarsamba sem Magnús Kjartansson söng á sínum tíma, fyrst árið 1988.
Þá vitum við það.
Og okkur líður talsvert betur á eftir - ekki satt? - JGH
Bikað á fullu á Gullinbrú í dag í bongóblíðu.
Stórvirk tæki og þetta tekur sífellt minni tíma fyrir þá í bikinu.
Gulir og vígalegir.
Gullinbrú bikuð - það var veðrið til þess.
