Gasið rokselst hjá Olís! Hún Angela stendur vaktina í Grafarvogi um helgina þegar allir eru á ferð og flugi

Sól og sumar - og þar að auki verslunarmannahelgi þegar allir eru á ferð og flugi. En nei, ekki allir. Einhverjir þurfa að standa vaktina þessa miklu frí- og ferðahelgi.

Og það kom að því hjá okkar manni í gær að kúturinn tæmdist, það er að segja gaskúturinn. Snögg og lipur bjargaði hún málum fyrir gamla.

Heitir Angela Routly og er vaktstjóri á Olís í Grafarvogi þessa helgina og hefur í nógu að snúast.

„Það er samt aðeins að róast hjá okkur núna enda margir út úr bænum,“ segir hún. „Það er annars búið að vera bjálað að gera  í sumar. Svo mikið að það þurfti að bæta starfsmönnum við um tíma.“

En hvað með ísinn sem þið byrjuðuð að selja aftur í sumar? Hann er í stærri kantinum í brauðforminu hérna við dyrnar?

„Ísinn hefur hefur hitt í mark hjá okkur. Íbúar hér í Grafarvogi kunna greinilega að meta hann.“

Með því var hún rokin inn enda komin smá biðröð í afgreiðslunni.

Sumar og sól - og hann bráðnar ekki svo glatt þessi í brauðforminu við dyrnar, hugsaði ég með mér. - JGH