Fimm krossa fáni í Hamrahverfi - varamarkvörður Liverpool er frá þessu landi

Þessi fimm krossa fáni blakti í Hamrahverfi í dag hjá Ólafi Sverrissyni verkfræðingi sem er sérstakur áhugamaður um fána og á stærsta fánasafn einstaklings hér á landi.

Fyrir þá sem hafa áhuga á enska boltanum má geta þess að varamarkvörður Liverpool, Giorgi Mamardashvili, er frá þessu landi en á hann reyndi talsvert í lokaleikjum liðsins þegar aðalmarkvörðurinn Alisson meiddist.

Landið er í Kákasushéraðinu en frá því kom gerill, kákasusgerillinn, sem naut mikilla vinsælda hér á landi á sjöunda áratug síðustu aldar - og átti víst að vera allra meina bót.

Þetta land nær að Svartahafa í vestri, Rússlandi í norðri og Tyrklandi í suðri og heitir Georgia. Íbúar eru á fjórðu milljón. - JGH