Er þetta lægsta merki biðskyldu í heimi? Þau gerast að minnsta kosti ekki mikið lægri!

Það er alveg hægt að velta því fyrir sér hvort þetta sé ekki lægsta biðskyldumerki í heimi. Þau gerast að minnsta kosti ekki mikið lægri.

Þetta er biðskyldumerkið þegar ekið er inn að Höfðabakka 9.

Við myndatökur við Höfðabakkann í gærkvöldi varð mér starsýnt á þetta merki.

Ekki það að ég þekkti ekki skilaboðin en bílstjórar í bílum í stærri kantinum líta bókstaflega niður á þetta merki þótt þeir beri örugglega virðingu fyrir því.

Að vísu er merkið svolítið beyglað.

Ég held að það sé augljós skýring á því! - JGH