Sá blái víða í vindinum blakti. Þegar hinn heilagi andi kom yfir postulana

Það var víða flaggað í Grafarvoginum í morgun, á hvítasunnudegi, enda dagurinn einn af hátíðardögum kirkjunnar og opinber fánadagur. Morgundagurinn, annar í hvítasunnu, er almennur frídagur á Íslandi og víðar í Evrópu.

Hvítasunnudagur er jafnan 50 daga eftir páska og er formlegur stofndagur kirkjunnar.

Hann er til minningar um að heilagur andi kom yfir postulana svo að þeir fóru að prédika á ókunnum tungum og boða kristna trú sem varð til þess að fólk gekk Kristni á hönd.

Opinber fánadagur og þeir blöktu víða við hún fánarnir í Grafarvogi í dag.

Svolítill vindur hjálpaði til. - JGH