„Í dag leikur geisli um Grafarvog, um götur og nes og sund,“ orti Sigurbjörn Einarsson

Sólroðinn var svo sannarlega í essinu sínu í gærkvöldi, eins og svo oft áður við voginn okkar fallega.

Þórunn Berndsen, íbúi í Bryggjuhverfinu, birti fallegar myndir á FB-síðu Íbúasamtaka Bryggjuhverfis með orðunum:

„Þessi tvö hús breyttu um lit i kvöld. Þetta er annað kvöldið i röð sem bryggjan verður að gulli og regnboginn að reyna að myndast.“  

Glimrandi myndir hjá Þórunni og vissulega kemur textabrotið Sól slær silfri á voga í hugann.

Þess má geta að Dr. Sigurbjörn Einarsson biskup orti sálminn Á vígsludegi í tilefni af vígslu Grafarvogskirkju 18. júní árið 2000 við lag Þorkels sonar síns, en annar sonur hans, Karl Sigurbjörnsson biskup, vígði kirkjuna.

Fyrsta erindið er svona:

Í dag leikur geisli um Grafarvog,
um götur og nes og sund.
Hann sendur er hæstum himni frá

á heilagri náðarstund.

Í dag leikur geisli um Grafarvog.

Fallegt. - JGH