Sá bandaríski blaktir í Grafarvogi. Þjóðhátíðardagur vestra og Bandaríkjamenn fagna 250 ára sjálfstæði sínu

Þjóðhátíðardagur Bandaríkjanna er í dag, 4. júlí, og um leið halda er þess minnst vestra að 250 ár eru liðin frá því að sjálfstæðisyfirlýsing Bandaríkjanna var samþykkt árið 1776.

Mikið er um dýrðir vestanhafs í tilefni dagsins og hátíðarhöld um gjörvöll Bandaríkin.

Í sjálfstæðisyfirlýsingunni kom fram að þrettán nýlendur á austurströnd Bandaríkjanna - þá í stríði gegn Bretum - væru nú sjálfstæð ríki án afskipta breska heimsveldisins.

Samskipti Íslendinga og Bandaríkjamanna hafa jafnan verið mikil og fjöldi Íslendinga búið í Bandríkjunum og verið þar við nám.

Bandaríkin eru eitt helsta viðskiptaland okkar og þá er í gildi varnarsamningur á milli Íslands og Bandaríkjanna sem undirritaður var 5. maí 1951.

Bandarískur her kom hingað til lands árið 1941 þegar íslensk stjórnvöld stofnuðu til samningsbundins samstarfs um varnarmál við Bandaríkin.

Svo má auðvitað ekki gleyma þeim manni sem stytta er af á Skólavörðuholti; Íslendingnum og landkönnuðinum Leifi Eiríkssyni  sem er sagður hafa komið fyrstur Evrópubúa til Norður-Ameríku í kringum árið eitt þúsund.

Leifur heppni eða Leif the lucky á ensku nefndi landið Vínland. - JGH