Um 40 milljarðar í hjóla- og göngustíga!

Samgöngusáttmálinn hjá Betri samgöngum ohf. hefur verið uppfærður og hljóðar upp á 311 milljarða króna, líkt og við sögðum frá í gær. Þar af fara 130 milljarðar í Borgarlínuna og 40 milljarðar í hjóla- og göngustíga. Bíleigendur standa að stærstum hluta undir fjármögnun framkvæmda Samgöngusáttmálans.

Eftir uppfærslu Samgöngusáttmálans er áætlað að fjárfesta í innviðum fyrir alla ferðamáta fyrir 311 milljarða króna í eftirfarandi hlutföllum:

Stofnvegir.....................130 makr. (42%)

Borgarlínan..................130 makr. (42%)

Göngu- og hjólastígar.. 40 makr. (13%)

Umferðaröryggi............ 10 makr. ( 3%)

Þetta eru miklir fjármunir og um þetta er meðal annars tekist á í sveitarstjórnarkosningunum þótt ríkissjóður verði í aðalhlutverki þegar kemur að fjármögnuninni sem áætlað er að verði með gjöldum á bíleigendur.

Sjá frétt okkar í gær um 311 milljarða Samgöngusáttmálann og athyglisvert kort af Stofnvegum sáttmálans. - JGH