Hildur verður örugglega spurð um Spöngina á fundinum í Grafarvogi á morgun
Hildur Björnsdóttir borgarstjóri mætir í Grafarvoginn á morgun þegar hún verður gestur á opnum fundi Félags sjálfstæðismanna í Grafarvogi. Fundurinn hefst klukkan 18:00 og verður í sal félagsins að Hverafold 3, verslunarmiðstöðinni Torginu, á annarri hæð.
Búast má við metaðsókn á fundinn.
Hildur mun fara yfir stöðu mála í borginni og þær aðgerðir sem meirihlutinn hefur ráðist í að undanförnu en mesta kastljósið hefur verið á sparnað, tiltekt í rekstri og hópuppsagnir. Sjá frétt Vísis í dag.
Hildur hefur haldið því fram að fjárhagsstaða borgarinnar sé erfið og ekki verði komist hjá alvöru tiltekt í rekstrinum. Reykjavíkurborg er eitt stærsta fyrirtæki landsins með um 11 þúsund starfsmenn.
Hildur mætir í Grafarvoginn á morgun og má búast við að spurningum rigni yfir hana á fundinum.
Fastlega má búast við að spurningum rigni yfir Hildi á morgun um málefni Grafarvogs og borgarinnar almennt. Meirihlutinn hefur fallið frá þéttingu byggðar í Grafarvogi sem fyrri meirihluta ætlaði að koma í gegn á síðasta kjörtímabili og varð til þess að hverfið nötraði mánuðum saman.
Stórt mál sem nú hefur verið afgreitt út af borðinu og sett í ruslafötuna.
En...
* Eru hugmyndir Reita um Spöngina of stórkarlalegar?
* Þétting byggðar í Grafarvogi afgreidd út af borðinu - en hvað þá með áform Reita um 170 til 200
íbúðir í Spönginni? Gengur það upp þegar búið er að afgreiða þéttinguna út af borðinu?
* Hvað með Bókasafnið í Grafarvogi? Verður það lagt niður?
* Er skólabókasöfnin ekki allt of lítil til að taka við auknu hluthverki?
* Hvað með að laga gatnamót Gufunesvegar, Rimaflatar og Strandvegar?
* Hvað með Gufunesið? Ætlar borgin ekki að fjölga bílastæðum þar og láta Strætó ganga þangað
reglulega til jafns við önnur hverfi?
* Hvernig metur hún hugmyndir fjármálaráðherra um veggjöld innan borgarinnar?
* Er Hildur hlynnt Sundagöngum frekar en Sundabraut og ætlar hún að beita sér í málinu?
* Er nægilegt leikskólapláss í Grafarvogi?
* Hvað með Keldnalandið og áformin þar? Eru það komið á ís?
* Hvað með rándýra Borgarlínu - þarf ekki að endurskoða hana?
* Hversu slæm er fjárhagsstaða borgarinnar?
* Reykjavíkurborg er með 11 þúsund manns í vinnu. Núverandi meirihluti er búinn að segja upp
hátt í 100 starfsmönnum en þarf ekki að ráðast í miklu fleiri uppsagnir til að ná rekstrarkostnaði
borgarinnar raunverulega niður?
* Hvað hefur komið borgarstjóra mest á óvart frá því hún tók við starfinu sl. vor?
* Er starf borgarstjóra eins skemmtilegt og hún gerði ráð fyrir?
Þetta er aðeins hluti af þeim sem spurningum sem vakna þegar borgarstjóri mætir í hverfið til að ræða málin milliliðalaust og er tilbúin að svara spurningum íbúa.
Klukkan átján á morgun - og málefni Grafarvogs beint í æð.
- JGH
Þessa fínu mynd fengum við lánaða hjá vefmiðlinum Vísi og er hún merkt ljósmyndara að nafni Lýður. (Vísir/Lýður).
Fundurinn með Hildi verður í sal Félags sjálfstæðismanna í Grafarvogi að Hverafold 3, 2. hæð.
