Eldur í verkstæðinu Við og Við við Gylfaflöt í morgun. Slökkvistarf gekk vel!
Betur fór en á horfðist í fyrstu þegar eldur kviknaði í trésmíðaverkstæðinu VIÐ & VIÐ við Gylfaflöt klukkan tíu í morgun.
Þegar Grafarvogur.net kom á svæðið hafði tekist að slökkva eldinn og slökkviliðsmenn byrjaðir að taka saman. Um tuttugu slökkviliðsmenn tóku þátt í slökkvistarfinu.
Einn starfsmaður fyrirtækisins barðist við eldinn í upphafi og var hann fluttur á bráðamóttökuna en hann mun ekki hafa meiðst alvarlega.
Hér kasta menn mæðinni eftir vel unnið starf. Um tuttugu slökkviliðsmenn tóku þátt í slökkvistarfinu.
„Eldurinn kom úr útsogskerfi frá sög og þaðan inn í geymsluhús fyrir sag. Þar kom upp mikill eldur,“ er haft eftir Jóni Kristni Valssyni, aðalvarðstjóra hjá Slökkviliðinu á höfuðborgarsvæðinu á mbl.is
„Þetta var töluverð vinna. Við þurftum að rífa upp eld- og loftræstistokka. Mestar skemmdir eru vegna reyks og svo varð skemmd á þakinu þar sem loftræstirör fer úr húsinu og yfir í geymsluskúr fyrir sagið. Hann er alveg ónýtur,“ segir Jón Kristinn ennfremur við mbl.is
Eðlilega hægðist á allri umferð um Strandveginn gegnt fyrirtæki meðan á slökkvistarfinu stóð enda aðgerðir slökkviliðsins fyrir allra augum þeirra sem þar áttu leið framhjá. - JGH
Bensínstöð Orkunnar og Gullnesti eru í næsta nágrenni við trésmíðaverkstæðið.
Trésmíðaverkstæðið er uppi í sundinu á milli Gúmmísteypunnar og NorDari.
